Jump to content
CooLYar Forums - A Friendly Community by CooLYar

Zaini

Members
  • Content count

    5,069
  • Joined

  • Last visited

  • Days Won

    9

Blog Entries posted by Zaini

  1. Zaini
    Dastak kisi ki hai ke guman, dekhnay tou de
    Darwaza humain tez hawa kholnay tou de
    Souda hai umr bhar ka, koye khail tou nahi
    Ae chashm-e-yaar, mujh ko zara sochnay tou de
    Apnay lahu ki taal pe khawahishon ke mor ko
    Ae dasht-e-ehtiyat, kabhi nachnay tou de
    Yeh saat aasman kabhi mukhtasir tou hon
    Yeh ghoomti zameen kahin thairnay tou de
    Us harf kun ki ek amanat hai mere paas
    Laikin yeh kaiynat mujhay bolnay tou de
    Shayed kisi lakeer mein likha ho mera naam
    Ae dost, apna hath mujhay dekhnay tou de
    Kaisay kisi ki yaad ka chehra banaoon ga
    Amjad woh koye baat mujhay bhoolnay tou de


  2. Zaini
    Meri banjar see
    aankhon se,
    Koi dhoka nahi khao,
    K tum kub dekh sakte
    ho...?
    Mere dil main chhupe ghhao,
    Ae mere kum-sukhan
    saathi...!
    Tumhain shayad khabar ho gi...?
    UdaasI main
    jo behte hain,
    Wo aansoo khusk hote hain...!!!


  3. Zaini
    Losing some one you really love would probably be the worst moment of your life..Well..It's not shocking to see you nodding at the statement..It's human nature..
    You can lose that special person in several ways..That person may die, may betray you, or you may even be forced to ignore that person..And worst of all would be the last reason mentioned..BEING COMPELLED! When a person dies, there is no way that we can complain..there is no way that you can get that person back..Moreover, you have to accept that, the time for that person to live with you, is over..And be grateful that, that very particular person has left some memories and love for you to enjoy..That person had not left you, with your heart broken and with a livid face..
    On the other hand, when a loved one betrays you, that "someone" has conked out your heart..Though that person too, has left some sweet memories, he/she has walked away with an unhappy face..with an expression, you never wanted to see..There is nothing that we can do over here too, but atleast there is the person for you to see, for you to beg, and sometimes you maybe lucky enough to get that person back!
    However, being forced to ignore a person is much more hurtful..You both want to be together, want to share and care, but there is an obstruction in your way! Now, how would that feel? Wouldn't it be like..really upsetting? But there is no way..Maybe that "obstruction" is another one you love! Might be your mom, dad, or even boy/girl friend! There is one way, lose one person you love to get the other..And this would be the hardest decision you would have to make! Think about it..What would you do? It's on your hands, and there are the two people you love so very much on both your sides..Both watching you, with tears in their eyes..You just have the chance to choose ONE person, leaving the other behind who is very much innocent..Oh my god..right? Well..that is a situation, some guiltless people had to face..
    Yet, don't worry much..just believe the saying, "everything happens for good.." Some people refuse to believe this,but, god would never make us face something that we can't..would He?
  4. Zaini
    Tumhari yaad aati hai
    Andheri raat ko jub aasman par
    Tajj’alian harf-e-mohabbat naqsh karti hain
    Kisi nakam sa’at jub
    Hamara dil shikasta hoslay ka noha gata hai
    Naee hijrat hamari zindagi ki taza majboori ke angan main
    Siyah khaima lagati hai
    Tumhari yaad aati hai
    Tumhari yaad aati hai
    Kabhi be abaad sarkon k kinaron par
    Kabhi maqtool jazbon ke mazaron par
    Kabhi banjar zameenon par
    Kinare shab zamen main dafan hote hue
    Raishmi suraj ki halat k ishare par
    Judai k kinare par
    Kahin mausam badal jaye
    Kabhi jo saaz mil jaye
    Kabhi jo geet ban jaye
    Kabhi sangeet chin jaye
    Mohabbat saaz lamhon main
    Bohat naraz lamhon main
    Zamanay k sawalon main
    Hifazat k khyaloN main
    Tumhari yaad aati hai
    Jub adhay rastay par ja k manzil bhool jati hai
    Tumhari yaad aati hai.........!!!
  5. Zaini
    December ab kay aao tou
    Tum uss shehr-e-tamanna ki khabar laana
    Kay jis may jugnoo'n ki kehkashaain jhilmilaati hain
    Jahan titlee kay rangoo'n sey fazaain muskuraati hain
    Wahan chaaro'n taraf khushboo wafa ki hai
    Aur uss ko jo bhi pouron sey
    Nazar sey chhoo gaya pal bhar
    Mehek uthaa
    December ab kay aao to
    Tum uss shehr-e-tamanna ki khabar laana
    Jahan per rait kay zarey sitaarey hain
    Gul-o-bulbul, maah-o-anjum wafa kay istiaarey hain
    Jahan dil woo samander hai , jiss kay kaee kinaarey hain
    Jahan qismat ki daive muthiyon mein jagmagaati hai
    Jahan dhakan ki lay per bey-khudi nagmein sunaati hai
    December hum sey na poocho hamaarey sheher ki baabat
    Yahan aankhoun mein guzrey kaarwaan ki gard thehri hai
    Labo'n per al-atsh hain, batan mein faaqey pinaptey hein
    Muhabbat barff jaisee hai yahaan
    Aur dhoop kay khaitoun mein ugti hai
    Yahan jab subah aati hai
    Tou shab kay saarey sapney
    Raakh kay aik dhair ki soorat mein dhaltey hein
    Yahan jazboun ki tooti kirchiyaan aankhoon mein chupbhti hain
    Yahan dil kay lahoo mein
    Apne Laikh'on ko dabo ker ham
    Sunehray khwaab buntey hein
    Phir unn khwaaboun mein jeetay hein
    Inhi khwaaboun pey martey hein
    Dareedah rooh koo lafzoon sey seena goo nahin mumkin
    Magar phir bhi
    December Ab KaY AaOoO Tu
    Tum uss shehr-e-tamanna ki khabar laana.....!!!


  6. Zaini
    Is say kehna meray angan main mousam mustakl nahi tehartay, Faslay berh jayen tou diloon k bandhay bandhan kamzoor nahi partay, Dooriyoon ka ihsaas dil main ja guzeen ho tou intizaar mar nahi jata, Aankhon main munjamid ho jata hai, Bus aankhain mar jati hain,
  7. Zaini
    Assalam O Alikum n Welcum TO My World On CY
    A blog is a personal diary. A daily pulpit. A collaborative space. A political soapbox. A breaking-news outlet. A collection of links. Your own private thoughts. Memos to the world.
    Your blog is whatever you want it to be. There are millions of them, in all shapes and sizes, and there are no real rules.
  8. Zaini
    Insan ki zindagi main fasla karnay ki ahmiyat sub say zaida hai, Magr afsoos tou ye hai k woh aik fasla karnay k bajaye faslay he karta rehta hai, Fasloon k dam sy he urooj hasil karta hai aur fasloon k dam sy he zawal, Ye ajeeb baat hai k humari zindagi ko mutasir karnay waalay faslay aitafaaqan he hojatay hain.Bas aitafaqan jaisy nazar sy nazar mil jaye aur phr zindagi bhar saath hans kar ya roo kar....
    Lakin zindagi bhar!!
    Baaz dafa yehi fasla itna mushkil hota hai, insan k samnay bht say rasty hotay hain, woh sochta hai kon sa rasta bethr rahay ga,
    Ye soch un ko kisi faslay pay pohchnay nhi daitii, aur phr ye loog apni tanhaiion main apnay mazi k mumkinaat ko dohratay rehtay hain. Jazbaat bhara dil jazbaat sy mehroom ho chuka hota hai, Ab wapis jaana mumkin nhi hota aur aagay janay ka hosla nhi hota,phr apnay aap ko daikhty hain kabhi ghusay sy kbhi reham say.
    Apnay kaam Allah k sapurd karnay waalay mutmian rehty hain, jo ho so ho humain apnay faslay Allah k hazoor paish karty rehna chaiea, takay hum behak na jayen Zindagi k faslay karty karty insan ki apni raffat k fasla suna dia jata hai aur phr sub faslay aakarat.........Sub Hasil ...LaHasil...............!!
    Wasif Ali Wasif
  9. Zaini
    Main apni maa ki goud main
    Sar rakh k soya karti thi
    Wo pehle mujh ko takti thi
    Aur pyar se phir thapakti thi
    Khud wo jaag k ratoon main
    Mujh ko sulaya karti thi
    Beemar agar main ho jaon
    Wo sab ko nachaya karti thi
    Dawain mujh ko khilati thi
    Na khaoon tou Daant pilati thi
    College se jab main aati thi
    Din bhar ki ro'edad sunati thi
    Wo ghaur se mujh ko sunti thi
    Aur phir samjhaya karti thi
    Qissay wo mere sun sun kar
    Kabhi na uktaya karti thi
    Meri wo mehez maa na thi
    Wo meri aik saheli thi
    Nakhre main un ko dikati thi
    Wo laaD uthaya karti thi
    Baad main mujh ko haNsati thi
    Jab pehle rulaya karti thi
    Naraz wo mujh ko karti thi
    Aur khud he manaya karti thi
    Ghussay main agar main aa jaon
    Wo dheema dheema hansti thi
    Ghussay aaye jo un ko kabhi
    Tou aagay se main hansti thi
    Koi baat ho un ko manwani
    Kahaniyaan sunaya karti thi
    Kahaniyan sabaq amoooz aisee
    Jin se samjhaya karti thi
    Raatooon ko agar mai jagoon tou
    Saath wo mera diya karti thi
    Jaag k phir hum raton mai
    Qahwe piya karti thiin
    Kabhi kahaniyaan sunati thi
    Kabhi shayari mujh se sunti thi
    Perodiyaan jab wo sunti thi
    Hansti hansti na thakti thi
    Masoom bahut thi maa meri
    Masoom si baatein karti thi
    Har bachay pay apnay marti thi
    Aur sab par jaan chiRakti thi
    Bas pyar si pyar ki moorat ki
    Maa bhi kesi aurat thi
    Wo kitni achi lagti thi
    Jab duayen diya karti thi
    Wo aur bhi pyari lagti thi
    Jab ghussa kiya karti thi
    Wo kese mujh se latti thi
    Aur kese jhagRa karti thi
    Par baat bhi meri sunti thi
    Aur mashware liya karti thi
    Jaanay ka wo hamesha kehti thi
    Aur ik din achaNaK chali gayi
    Waapis kabhi na aane k liye
    Aur mujh ko hamesha rulane k liye
    Ab aati hai wo yaad bahut
    Aur aaNkhen ashk bahati hain
    Aanssoo tou beh jaatay hain
    Par yaad wahin reh jaati hai...............!!


  10. Zaini
    I luv this song, is ka music is k lyrics awsum :)

    http://www.youtube.com/watch?v=7TXyfNngS-c



    Tere siwa kya jaane koi, dil ki halat Rabba saamne tere guzri mujh par
    Kaisi qayamat Rabba
    Main wo kis tarahn se karun bayan, jo kiye giye hain sitam yahan
    Main wo kis tarahn se karun bayan, jo kiye giye hain sitam yahan
    Sune kon meri yeh daastan, koi hamnasheen hai na raazdan
    Jo tha jhoot wo bana sach yahan, nahi kholi maine magar zuban
    Yeh akela pan, yeh udaasiyan, meri zindagi ki hai tarjman
    Meri zaat zara e benishan
    Meri zaat zara e benishan
    Kabhii sooni subhun main ghoomna, kabhii ujri shaam ko daikhna
    Kabhii sooni subhun main ghoomna, kabhii ujri shaam ko daikhna
    Kabhii bheegi aankhun se jaagna, kabhii beete lamhun ko sochna
    Magar ek pal hai umeed ka, hai mujhe Khuda ka jo aasra
    Na hi maine koi gilla kiya, na hi maine di hain duhaiyan
    Meri zaat zara e benishan
    Meri zaat zara e benishan
    Main bataun kya mujhe kya mille, mujhe sabr hi ka silla mile
    Main bataun kya mujhe kya mile, mujhe sabr hi ka silla mile
    Kissi aaghi ki rida mille kissi dardgi ka silla mile
    Kiss gham ki dil main jagah mille, jo mera hai wo mujhe aa mille
    Rahay shaad yuhin, mera jahan, k yeh yaqeen main badle mera gumaan
    Meri zaat zara e benishan
    Meri zaat zara e benishan


  11. Zaini
    December tum mat aaya karo
    Suno k
    Jab bhi tum aate ho
    Udasiyon ki undeikhi
    BARISHON MEIN DIL KO BHIGHO DEITE HO
    Tum aate ho to...
    Barfeeli si tanhaiyon ki
    Sard hawa kantton ki tarah
    Rag-e-jaan mein chubhne lagti hai
    Aur akayle pan mein
    Dukh jaag kar
    Neendon ko nigel jate hein
    Aur jo apne..
    Judaai ki dhund mein.. Kho gaye hein
    Hum se buhat door ho gaye hein
    Unki yaad.. phir se aane lagti hai
    "Suno December" Tum mat aaya karo!!!


  12. Zaini
    Udasi k ufaq pya jub tumhari yaad k jugnoo chamaktay hain
    Tou meri rooh pay hijr ka rakha hau pathar
    Chamakti bruf ki surat pighalta hai
    Aa'garcha youn pighalnay say ye pathar sang'raiza tou nhi banta
    Magar aik hosla sa dil ko hota hai
    K jaisay sar'basar tareek shab main bhi
    Agr aik zard'roo sehma hua taara nikl aaye
    Tou qatil raat ka bay'ism jadoo toot'ta hai
    Musafir k safar ka rasta tou kam nhi hota
    Magar taaray ki chilman say
    Koi bhoola hua manzar achanak jug'magata hai
    Sulagtay paoon main aik aabla sa phoot jata hai .....!!


  13. Zaini
    Hum ko louta hai usi shehar nay Ey jaan-E-Wafa
    Jis ki galioon main mohabbat ka kuch hisaab na tha
    Woh jo rehtay thay meray saath humesha din bhar
    Un k mazhab main wafaoon ka koi baap na tha
    Woh jo aankhon main mohabbat ko liye phirtay thay
    Un k dil main thi woh nafrat k kuch hisaab na tha
    Maine jis ko bhi museebat main maseeha jaana
    Jo diye us nay, Baray Us sy kuch azab na tha
    Mujhay khayaal tah ye loog meray apnay hain
    Magar wahan pay tou aisa kuch riwaaj na tha ..............!


  14. Zaini
    ہمیں آوازدے دینا
    ہمیں آوازدے دینا
    اگر دکھ زندگانی کے
    تمہیں آزار پہنچائیں
    کوئی جلتی ہوئی ساعت ، کوئی بجھتا ہوا لمحہ
    تمہارے دل پہ دستک دے
    تو ہم کو یاد کر لینا
    ہمیں آواز دے دینا
    ابھی زندہ ہیں ہم اس زندگی کی بیکرانی میں
    ابھی تک دے رہے ہیں امتحاں
    اس کار گاہ امتحانی میں
    ابھی تک مُبتلا ہیں ہم اسی خوابِ جوانی میں
    تم اپنا دُکھ ہم سے نہیں تو کس سے بانٹو گے
    کسے آواز دو گے تُم ۔۔۔


  15. Zaini
    Tum yaad Ho To Naqsh Ho Merey Hawaas par
    Tum Ashk Ho To Merey Dukhon Ka ILaaj Ho
    Tum Khuwab Ho To Meri Aankhon Main Ho kahin
    Tum Wehem Ho To Mujh Ko Haqeeqat Say Ki Gharaz
    Tum Baiss-e-Safar Ho, Huner Ki Uraan Ho
    Tum Neend Ho To So K Guzarein Gay yeh Hayaat
    Tum Husn Ho To Merey Takhayyul Ki Jaan Ho
    Tum Raat Ho To Mujh Ko Nahin Subah Ki Talab
    Tum Noor Bun k DiL Main Samaey Ho Aaj kal
    Tum Khaak Ho To Kaak Nasheenon Ki Ho Talash
    Tum Dard Ho To Rooh Pay Chaey Ho Aaj Kal
    Tum Dasht Ho To Main Bhi Musafir Hoon Dasht ka
    Tum Chaand Ho To Talkh Andheron Ki Fiker Kiya
    Tum Bay Neyaz Ho To Zamanay Say Ho Alag
    Tum Rung Ho To Phir yeh Baharon ka Zikr Kiya
    Tum Bay Samar Ruton Main, Baharon Ki Ho Umeed
    Tum Rah Guzar-e-Shauq Main Jazba Junoon Ka Ho
    Tum Arzoo Ho, Ehl -e- Tamanna Ki Ho Khalish
    Tum Rut-Jagon Ki Bheer Main Lamha Sakoon Ka Ho
    Tum Bewafa Ruton Main Hawala Ho IshQ Ka
    Tum Baybasi Ho Phir Bhi Muheet-e-Hawaas Ho
    Tum Ik Kiran Ho Noor-e-Azal Main Dhali Hui
    Tum Taazgi Ho, Shabnami Phoolon Ki Aass Ho
    Tum Gehrey Paniyon Main Chupay Motiyon ka Lams
    Tum Maut K Safar Main Nishan -e- Hayat Ho
    Tum Meri Chashm-e-Num K Sitaron Ki Keh'kishaan
    Tum Husn-e-Bay'Missal, Meri Kayenaat Ho
    Tum Jab Say Ho Gaey Ho Meri Dastras Say Dour
    Main Jee rahi Hoon Kyun K Zaroori Hai Zindagi
    Saanson K Bojh Ko Bhi uhhaya hai Rooh Nay
    Lakin Terey Baghair...... Adhoori Hai Zindagi .........!!
  16. Zaini
    Zindagi tanhai k samundar maiin ik jazeery ki se haisiiat rakhti hai.....Iss jazeery ki chataanain umeedon ka roop dhaar laiti hain.Is k darakht khwaab ban jatAy hain.Is k phool aman-o-sakoon ka namuuna hain.Is ki nadiyan sarap-e-tishnigi hain.................Zindagi ik aisa jazeera hai jo doosray jazeeroan se alag ho gaya haii..............Hamari zindgi ik alag thalag ghar ki maanind haii jo doposray logoan k gharoan se bilkul alaihda hai........Yeh woh ghar hai jahan koi hamsaya andar jhank k nahi daikh sakta agar yeh ghar tareeqioun main ghir gaya ho tou tumhary hamsiay ka chiraagh is main roshni nahi phaila sakta............Agar iss ghar main khany peeny ka saman khatm ho jaye tou tumhara hamsaaya tumhay kuch nahi day sakta......Agar yeh ghar shehra main waqya hai tou tum is ko dousrey logon k baag main nahi lay k jaa saktey......Agar yeh ghar kisi pahar ki chooti pay abad hai tou tum isay is wadi main abaad nahi kar saktay jahan aur log bhi abaad hain..............!!
  17. Zaini
    Kisi ko alwida kehna
    Bohat takleef daita ha
    Umeedain toot jati hain
    Yakeen pay bay yakeeni ka kehar kuch aisa charta ha
    Deakhiea kuch nahi daita,subhaiee kuch nahi daita
    DUA k lafz hontoon pay musalsal kapkapatay hain
    Kisi khawish k andashay
    Zehan main door jatay hain
    Gumaan kuch aisa hota ha
    K jaisay mil na pian gain
    Ya gehray zakham furkat k kisi say sil na pian gain
    Kabhi aisa bhi ho YARAB
    Duaian maan laita ha
    Tu koi mojza kar day tu aisa kar bhi sakta ha
    Meray haathoon ki janib deakh tu unko bhar bhi sakta ha
    Judai ki ya teekhi dhaar diloon ko khoon karti ha
    Judai ki aaziyat say
    Mera dil ab bhi darta ha
    Judai do ghari ki ho tu koi dil ko behliea
    Judai char pal ki ho tu koi dil ko behliea
    Judai umar bhar ki ho
    Tu koi chara karay koi
    K ab milnay ki hasrat main bhala kub tak jiea koi
    Meray mola karam kar day tu aisa kar bhi sakta ha
    Meray haathoon ki janib deakh tu unko bhar bhi sakta ha ....!!!
×

Important Information

We have placed cookies on your device to help make this website better. You can adjust your cookie settings, otherwise we'll assume you're okay to continue.