Jump to content
CooLYar Forums - A Friendly Community by CooLYar
Sign in to follow this  
Zaini

Zaini's Collection

Recommended Posts

Gaye dinon ka suraagh lay kar, kidher say aayaa kidher gya woh

Ajeeb maanoos ajnabi tha, mujhay tou hairaan kar gya woh

Bus aik moutii si cchhab dikhaa kar, bus aik meethi se dhun suna kar

Sitaara-e-shaam ban kay aayaa, barang-e-khwab-e-sehar gyaa woh

Khushi ki rutt ho keh gham ka mousam, nazar ussay dhoondtii hai her dam

Woh boo-e-gul thaa keh naghma-e-jaan, meray tou dil main utar gyaa woh

Na ab woh yaadon ka charhtaa daryaa, na fursaton ki udaas barkhaa

Younhii zara si kasak hai dil main, jo zakham gehraa thaa bhar gyaa woh

Kuch ab sanbhalnay lagii hai jaan bhi, badal chala rang-e-aasmaan bhi

Jo raat bhaari thii tal gaii hai, jo din karra thaa guzar gyaa woh

Bus aik manzil hai bulhavas ki, hazaar rastay hain ahl-e-dil kay

Yehi tou hai farq mujh main us main, guzar gya main, tehar gya woh

Shikastaa paa raah main kharra hoon, gaye dinon ko bula raha hoon

Jo qaafila mera hamsafar thaa misaal-e-gard-e-safar gyaa woh

Mera tou khoon ho gyaa hai paani, sitam-garon ki palak na bheegii

Jo naalaa uthha thaa raat dil say, na-janay kion be-asar gyaa woh

Woh mai-kaday ko jagaanay wala, woh raat ki niind urranay wala

Yeh aaj kya uss kay jii main aaii, keh shaam hotay hi ghar gyaa woh

Woh jiss kay shanay peh haath rakh kar, safar kiya tuu nay manziiloon ka

Teri galii say na janay kion aaj sir jhukaaye guzar gyaa woh

Woh hijr ki raat ka sitaaraa, woh hum-nafas ham-sukhan hamaara

Sada rahay uss ka naam pyaara, suna hai kal raat mar gyaa woh

Woh raat ka be-nava musaafir, woh tera shayer woh tera Naasir

Teri galii tak tou hum nay dekha thaa, phir na-janay kidher gya woh

  • Like 1

Share this post


Link to post
Share on other sites

Udas musam k rut-jagon main

Har aik lamha bikhar gay ha

Phr aisay musam main kon aye

Koi tou jaye

Teray nagar ki musafatoon ko samait laye

Teri gali main humari sochain bakhair laye

Tujhy bataye k kon kaisay?

Uchalta hai wafa k mooti

Tumhari janib

Koi tou jaye

Meri zuban main tujy bulaye

Tujhe manaye

Humari haalat tujhe bataye, tuje rulaye

Tou apnay dil ko chaian aye

Share this post


Link to post
Share on other sites

In dinon shehr bhar k raston main

Nachti hai bala ki veerani!

Aks dar aks dasti rehti hai

Be-sada aainon ko hairani

Saray chehron k rang pheekay hain

Saari ankhain ujar lagti hain

Saray din aahton ki ginti main

Sari ratain pahar lagtin hain

Bujhti jaati hai yaad ki sham’ain

Apni palkon pay ansouoon k nageen

Tootay hain tou dil nahi chunta

Jaisay shakhon say zard ru pattay

Toot’tay hain . . koi nahi sunta

Tu kahan hai, kahan nahi hai tu?

Bhool ja . . yad kyun nahi aata ?

Hum se kia pochna . mazaj-e-hayat?

Hum tou bus ik dareeda daman main

Bhar k khakistar-e dyar-e wafa -!

Le ke sadiyon ki baas phirte hain

In dinon shehr bhar k raston main

Hum akailay udas phirtey hain

Ab ye sochain tou ankh bhar aaye

In akailay ujar raston main

Tu bhi shayed kahin nazar aaye

Share this post


Link to post
Share on other sites

Insha ji, yeh kon aayaa, kis dais ka baasi hai

Honton peh tabassum hai, ankhon main udasi hai

Khwabon kay gulistan ki, khushbu-e-dil'Aara hai

Ya subh-e-tamanna kay maathay ka sitara hai

Tarsi hoii nazron ko ab aur na tarsaao

Ey husn kay sodagar, ey roop kay banjaray

Ramna dil-e-Insha ka ab tera thikaanaa ho

Ab koi bhi surat ho, ab koi bahaana ho

khakastar-e-dil ko hai phir shu'la bajaan hona

Hairat ka jahan hona, hasrat ka nishaan hona

Ey shakhs jo tuu aa kar youn dil main samaya hai

Tu dard keh darmaan hai, tu dhoop keh saya hai?

Nainan teray jaduu hain, gaisoo teray khushboo hain

Baatain kisi jungle main bhatkaa howa aahoo hain

Maqsood-e-wafa sun lay kya saaf hai saadaa hai

Jeenay ki tamanna hai marnay ka iraadaa hai

Share this post


Link to post
Share on other sites

Yeh saraaye hai yahan kis ka thikaana dhoondo

Yaan tou aatay hain musaafir, so chalay jatay hain

Haan yehi naam thaa, kuch aesa hi chehra muhraa

Yaad parrta hai keh aayaa thaa musaafir koi

Soonay aangan main phira karta thaa tanha tanha

Kitni gehrii thii nigaahon kii udaasi uss ki

Log kehtay they keh hoga koii aaseb-zadda

Hum nay aesii bhii koii baat naa uss main dekhi

Yeh bhi himmat na hoii, paas bithaa key poochain

Dil yeh kehta thaa koii dard ka maara hoga

Lout aayaa hai jo aawaaz na uss kii paaii

Jaanay kiss dar peh kissay jaa key pukaara hoga

Yaan tou her roz kii baatain hain yeh jeetain maatain

Yeh bhi chaahat key kisi khail main hara hoga

Aik tasveer thii, kuch aap say miltii jultii

Aik tehreer thii, per iss ka tou qissa chorro

Chand ghazlain theen keh likheen, kabhi likh kar kaateen

Shair achay they, jo sun lo tou kaleja thaamo

Bus yehii haal musaafir ka thaa, hum nay dekhaa

Jaanay kiss raah main kiss shakhs nay loota uss ko

Guzra kartay hain sulagtay howay baaqi ayyaam

Log jub aag lagatay hain bujhaatay bhi nahi

Ajnabi peet kay maaron say kisi ko kya kaam

Bastiyon walay kabhi naaz uthaatay bhi nahi

Cheen laitay hain kisi shakhs say ji ka aaraam

Phir bulaatay bhi nahin, paas bithaatay bhi nahi

Aik din subh jo dekhaa tuo saraaye main na thaa

Jaanay kis dais gyaa hai woh divana dhoondo

Hum say poocho tou na aaye ga woh janay wala

Tum tou na-haq ko bhataknay ka bahaana dhoondo

Yaan tou aayaa jo musaafir younhii shab-bhar thehra

Yeh saraaye hai yahan kis ka thikaana dhoondo

Share this post


Link to post
Share on other sites

thanx chinky :smile:

Share this post


Link to post
Share on other sites

Hum tou woh loog hain jo

Jo na kisi dasht-e-shumar main hain

Na kisi ki nigaah k hisara main hain

Youn jaisay koi ho sadioon ka bay-ant safar

Sehra sehra phirta koi khaakh-basar

Kia pochtay ho k kon hain hum?

Jaan lo humain tou tumhain maloom ho

Hum tou woh log hain jo jeewan day kar bhi

Kisi k dil main kaskan na bana payen

Youn jaisay koi madham see kiran

Kisi rozan say ubhray aur doob jaye

Jaisay aik na-manoos se chub'han

Jo zindagi k seenay main sada dair tak

Chubhti he rahay

Dil ki dharkanoon say bagawat karay

Aur dar charhay

Kia batlayen hum k kon tahy hum aur kia hain ab?

Hum tou jugnu bhi nahi hain

K kisi ki aankh main chamktay

Kisi ko sanwartay

Hum tou ansoon ki tarhan hain

Ankh say tapkay aur doob gaye

Ghar say niklay aur

Bay-simat musafat main

Mohabbat ki aas main

Dar-badar phirtay hue

Kisi bay-naam sham ki nazar huea

Aik musalsal aur dukh raah ka safar huea

Aik Muslsal Aur Dukh-Raah Ka Safar.

Share this post


Link to post
Share on other sites

Usay Kehna

Mukammal kuch nahi hota

Milan bhi na mukkamal hai

Judai bhi adhori hai

Yahan aik maut pori hai!

Usay kehna

Udaasi jub ragon main

khoon ki manind utarti hai

Bahot nuksaan karti hai!

Usay Kehna

Bisaat-e-Ishq pe jub maut hoti hai

Dhukon k shaher main jub raat hoti hai

Mukkamal bas Khuda ki Zaat hoti haia

Share this post


Link to post
Share on other sites

thanx chinky

Share this post


Link to post
Share on other sites

Khawab toot jatay hain

Bheer main zamanay ki

Hath choot jatay hain

Dost daar lahjoon main salwatain see partee hain

Ik zara see ranjish say

Shak ki zard tehni par, Phool bad-gumani kay

Is tarha say kihltay hain

Zindagi say pyaray bhi

Ajnabi say lagtay hain, Ghair ban kay miltay hain

Umr bhar ki chahat ko, Aasra naheen milta

Dasht-e-beyaqini main Rasta naheen milta

Kamashi kay waqfoon main

Baat toot jati hai, Aur sira naheen milta

Mazrat kay lafzoon ko raushni naheen miltee

Lazat-e-pazeerai, Phir kabhi naheen miltee

Phool rang wadoon ki

Manzilain sukarti hain

Rah murnay lagti hai

BeRukhi kay garay say, Bedili ki mitti say

Faslay ki eintoon say, Eint jurnay lagte hai

Khaak urnay lagtee hai

Khawab toot jatay hain

Wahmoon kay saye say, Umr bhar ki mehnat ko

Pal main toot jatay hain

Ik zara se ranjish say

sath choot jatay hain

Bheer main zamany ki

hath choot jatay hain

Khawaab toot jatay hain

Share this post


Link to post
Share on other sites

Mujhay jo kuch bhi kehna tha abhi main keh nahi paya

Meri tehreer ki zad main abhi to kuch nahim aya

Abhi wo karb likhna hai jisay mehsoos karta hoon

Abhi wo khwab likhnay hain jo ankhon main paltay hain

Mujhay unko bhi likhna hai jinhain main dhoondh na paya

Abhi wo log likhnay hain jo kho kar haath maltay hain

Abhi wo ashk likhna hai kabhi jo beh nahi paya

Meri tehreer ki zad main abhi bhi kuch nahi aya

Abhi to mausmon ki shokhyan tehreer karni hain

Abhi yo phool kaliyan aur sehe-e-shabnam bhi likhni hai

Uthaanay hain abhi darya say mujhko pyas kay pehray

Abhi to khushk paiRon pay mujhay rim jhim bhi likhni hai

Kahin pe dhoop likhni hai kahin pe teergi chaya

Meri tehreer ki zad main abhi to kuch nahi aya

Abhi to mujh ko likhni hai kisi ki reshmi zulfain

Kisi ki surmagii palkain kisi ki ankh ka kajal

Kisi ka tootta badal kisi k pyar ki qasam

Kiski ki ankahi batain macha dain dil me jo hulchul

Abhi woh sub likhna hai jo mera ishq kehlaya

Meri tehreer ki zad main abhi to kuch nahi aya

Abhi to wo safar likhna hai jo darpaish hai mujhko

Abhi to tumko apni pyas ka sehra dikhana hai

Abhi to hijr ki likhni hain sari matmi raatain

Abhi to aisay lamhon ka bhi tumko lutf sunana hai

Keh jin say ashk ankhon main, magar iss dil ko behlaya

Meri tehreer ki zad main abhi to kuch nahi aya

  • Like 1

Share this post


Link to post
Share on other sites

Bachpan kay dukh kitnay achay hotay thay

Tab tou sirf khilonay tootaa kartay thay

Woh khushiyaan bhii kaisi khushiyaan hotii thiin

Tittlii kay par torr kay uchhla kartay thay

Paa'on maar kay khud baarish kay paani main

Apnii naao aap duboyaa kartay thay

Chotay they tou makr-o-faraib bhi chotay they

Daana daal kay chirryaan pakrra kartay thay

Apnay jal jaanay ka bhii ihsaas naa thaa

Jaltay huway sholon ko chairra kartay they

Khushbuu kay urrtay hii kion murjhaya phool

Kitnay bholay pan say poocha kartay thay

Aaj bhii woh taabiirain lahoo rulaatii hain

Bachpan main jo hum nay sapnay dekhay thay

Ab tou aik aansuu bhii ruswaa kartaa hai

Bachpan main jii bhar kay royaa kartay thay

Share this post


Link to post
Share on other sites

Banjaray hain rishton ki tijarat nahi kartay

Hum loog dikhaway ki mohabbat nahi kartay

Milna he hai to jeet lay maidan main hum ko

Hum apnay qabeelay say bagawat nahi kartay

Toofn saylarnay ka tareeqa hai zaroori

Hum dobnay walon ki himayta nahi kartay

Share this post


Link to post
Share on other sites

Hum jo tootay to is tarah tootay

Jaisay Haathon se Girr ke pathar pay

Koi shafaaf saina tootay

Jaisay palkon Se Toot'ta Aansoo

Jaisay Seeney Mein Ek Gum'aan Tootay

Jaisay Umeed Ki Nazuk Dali

Jaisay Aankhon mein Khwaab Ki Dorri

Waqt e Taveel Mein Ulaj Jaiye

Jaisay Pairoun Talle Se Zameen Nikley

Jaisay Sir Pe Aasama Tootay

Jaisay Ek Shaakh Pe Bharosa Kiya

Is pe Jitney Thay Aashiyan Tootay

Jaisay Wehshat Se Hosh Aa Jaiye

Jaisay Ta-dair Mein Dehaan Tootay

"Kisney Dekha tha Tootna Apna

Hum Jo TooTay To RaiGaaN Tootay

Share this post


Link to post
Share on other sites

Uss Nay Poocha

"Mohabbat Kia Ha"

Main Bola

Aik Ahsas Jo Hassas

Bana Data Hai!

Share this post


Link to post
Share on other sites

Yeh Meri Ana Ki Hai Sarkashi

Jo Wasf Aisay Sikha Gaye

Main Darya Hoon Jo Gira Nahi

Wo Pahaar Hoon Jo Hilla Nahi

Share this post


Link to post
Share on other sites

nice collection zaini...!

a little share from me..

-------------------------------

  mere saath tum bhi dua karo yun kisi ke haq mein bura na ho

kahin aur ho na ye hadsa koi raaste mein judaa na ho

mere ghar se raat ki sej tak vo ik aansu ki lakir hai

zaraa barh ke chand se puchna vo isi taraf se gayaa na ho

sar-e-shaam Thehari hui zamin, aasman hai jhuka hua

isi mod par mere vaaste vo chiragh le kar khada na ho

vo farishte aap hi Dhoondiye kahaniyon kii kitaab mein

jo buraa kahein na buraa sunay koi shaKhs un se Khafa na ho

vo visaal ho ke firaaq ho teri aag mahakegii ek din

vo gulaab ban ke khilegaa kyaa jo chiragh ban ke jalaa na ho

mujhe yun lagaa ki Khaamosh Khushbu ke hont titali ne chu liye

inhi zard patton ki oT mein koi phool soyaa huaa na ho

isii ehatiyaat mein main rahaa, isi ehatiyaat mein vo rahaa

vo kahan kahan mere saath hai kisi aur ko ye pata na ho

Share this post


Link to post
Share on other sites

Thanx bro :flower4u:

Very Nice shareing :smile:

Share this post


Link to post
Share on other sites

Chand Ke Banawat Main Kabhi Hath Ke Lakiron Main Dhonda...

Tujay Har Lamhay Main Nay Dil Ke Dahdkano Main Dhonda...

Jaghtey Jaghtey Thak Gaye Jab Khabi Ankkhain Yeah Meri ….

Tujay Phir Main Nay Apnay He Khuwabon Main Dhonda …

Woh Jo Rasta Terey Shair Ke Taraf Ko Aata Hai ..

Tujhay Wahan say ghuzartey hoye har Qaflon Main Dhonda

Share this post


Link to post
Share on other sites

Wo Mehekti Palkon Ki Oat Se Koi Taara Chamka Tha Raat Main

Meri Band Muthi Na Kholiye Wohi Koh-e-Noor Hai Haath Main

Main Tamaam Tarey Utha Utha Ke Ghareeb Logo'n Main Baant Doon

Kabhi Ek Raat Wo Aasmaan Ka Nizaam Dain Mere Haath Main

Abhi Shaam Tak Mere Baagh Main Kaheen Koi Phool Khila Na Tha

Mujhe Khushbu'on Main Basa Gaya Tera Pyar Ek Hi Raat Main

Tere Saath Itney Buhat Se Din To Palak Jhapaktay Guzar Gaye

Hui Shaam Khel Hi Khel Main Kati Raat Baat Hi Baat Main

Koi Ishq Hai Ke Akela Reit Ki Shaal Oarh Ke Chal Diya

Kabhi Baal Bachon Ke Saath Aa, Ye Parao Lagta Hai Raat Main

Kabhi Saat Rangon Ka Phool Hoon ,Kabhi Dhoop Hoon, Kabhi Dhool Hoon

Main Tamaan Kapray Badal Chuka Tere Mausamon Ki Baraat Main

Share this post


Link to post
Share on other sites

Yeh barishien bhi tum si hain,

Jo baras gai to bahar hain,

Jo theher gai to qarar hain,

Kabhi aa gai yunhi besabab,

Kabhi chaa gai yunhi roz-o-shab,

Kabhi shor hain,

kabhi chup si hain,

Yeh barshien bhi tum si hain,

Kisi yaad main kisi raat ko,

ik dabi howi si rakh ko,

Kabhi youn howa k bujha diya,

Kabhi khud se khud ko jala diya,

Kahin bond bond main gum si hain,

Yeh barishien bhi tum si hain...!

Share this post


Link to post
Share on other sites

Wo guman guman sa,qiyaas sa

Kabhi door sa,kabhi pass sa

Kabhi chandni main chupa huwa

kabhi khushbu'on main basa howa

Kabhi sirf us ki shabahtein

Kabhi sirf us ki hikayatein

Kabhi sirf milne ke silsile

Kabhi sirf us se hain faasle

Kabhi door chalti hawaon main

Kabhi meenh barsati ghataon main

Kabhi bad guman,kabhi meherban

Kabhi dhoop hai,kabhi saiban

Kabhi band dil ki kitaab main

Kabhi lab kusha wo khawab main

Kabhi youn ke jaise sawal ho

Kabhi youn ke jaise khiyal ho

Kabhi dekhne ke hain silsile

Kabhi sochne ke hain merhale

Kabhi sirf rung-e-bahar sa

Kabhi sirf ek ghubar sa

Kabhi dastars ke qareeb qareeb

Kabhi door pass kahin nahi

Ye jo ukhra ukhra sa shakhs hai

Ye jo bikhra bikhra sa shakhs hai.

Share this post


Link to post
Share on other sites

Create an account or sign in to comment

You need to be a member in order to leave a comment

Create an account

Sign up for a new account in our community. It's easy!

Register a new account

Sign in

Already have an account? Sign in here.

Sign In Now
Sign in to follow this  

×

Important Information

We have placed cookies on your device to help make this website better. You can adjust your cookie settings, otherwise we'll assume you're okay to continue.