Jump to content
CooLYar Forums - A Friendly Community by CooLYar
Sign in to follow this  
Emaad

Hafeez Jullundhary Poetry

Recommended Posts

agar mauj hai bich dhare chala chal

wagarna kinare kinare chala chal

isi chal se mere pyare chala chal

guzarti hai jaise guzare chala chal

tujhe sath dena hai bahrupiyon ka

naye se naya rup dhare chala chal

musalsal buton ki tamanna kiye ja

musalsal Khuda ko pukare chala chal

tujhe to abhi der tak khelna hai

isi mein to hai jit hare chala chal

Share this post


Link to post
Share on other sites

ab to kuch aur bhi andhera hai

ye meri rat ka sawera hai

rahzanon se to bhag nikla tha

ab mujhe rahbaron ne ghera hai

age age chalo tabar walo

abhi jangal bahut ghanera hai

qafila kis ki pairawi mein chale

kaun sab se bara lutera hai

so raho ab "Hafeez"ji tum bhi

ye nai zindagi ka dera hai

Share this post


Link to post
Share on other sites

ai dost mit gaya hun fana ho gaya hun main

is daur-e-dosti ki dawa ho gaya hun main

qayam kiya hai maine adam k wajud ko

dunya samajh rahi hai fana ho gaya hun main

himmat buland thi magar uftad dekhna

chupchap aj mahw-e-dua ho gaya hun main

ye zindagi fareb-e-musalsal na ho kahin

shayad asir-e-dam-e-bala ho gaya hun main

han kaif-e-bekhudi ki wo saat bhi yad hai

mahsus kar raha tha Khuda ho gaya hun main

Share this post


Link to post
Share on other sites

dil abhi tak jawan hai pyare

kis musibat mein jan hai pyare

tu mere hal ka khayal na kar

is mein bhi ek shan hai pyare

rat kam hai na cher hijr ki bat

ye bari dastan hai pyare

talkh kar di hai zindagi jis ne

kitni mithi zaban hai pyare

jane kya kah diya tha roz-e-azal

aj tak imtihan hai pyare

main tujhe bewafa nahin kahta

dushmanon ka bayan hai pyare

sari dunya ko hai galatfahmi

mujh pe tu mehraban hai pyare

Share this post


Link to post
Share on other sites

bargashta-e-yazdan se kuch bhul hui hai

bhatke hue insan se kuch bhul hui hai

ta hadd-e-nazar shole hi shole hain chaman mein

phulon k nigehban se kuch bhul hui hai

jis ahad mein lut jaye faqiron ki kamai

us ahad ke sultan se kuch bhul hui hai

hanste hain meri surat-e-maftun pe shagufe

mere dil-e-nadan se kuch bhul hui hai

huron ki talab aur mai-o-sagar se hai nafrat

zahid tere irfan se kuch bhul hui hai

Share this post


Link to post
Share on other sites

khun ban kar munasib nahin dil bahe

dil nahin manta kaun dil se kahe

teri dunya mein aye bahut din rahe

sukh ye paya k hamne bahut dukh sahe

bulbulen gul k ansu nahin chattein

un ko apne hi margub hain chehchahe

alam-e-naza mein sun raha hun main kya

ye azizon ki chikhen hai ya qehqahe

is naye husn ki bhi adaon pe ham

mar mitenge basharte ki zinda rahe

Share this post


Link to post
Share on other sites

koi chara nahin dua k siwa

koi sunta nahin Khuda k siwa

mujh se kya ho saka wafa k siwa

mujh ko milta bhi kya saza k siwa

dil sabhi kuch zaban par laya

ik faqat arz-e-mudda k siwa

barsar-e-sahil-e-muqam yahan

kaun ubhra hai nakhuda k siwa

dil sabhi kuch zuban par laya

ik faqat arz-e-mudda k siwa

doston k ye mukhali sana tir

kuch nahin meri hi khata k siwa

ye "Hafeez" ah ah par akhir

kya kahen dost wah wah k siwa

Share this post


Link to post
Share on other sites

tu bhi kisi ka pyar na paye Khuda kare

tujh ko tera nasib rulaye Khuda kare

raton mein tujh ko nind na aye Khuda kare

tu dar-ba-dar ki thokren khaye Khuda kare

aye bahar tere gulistan mein bar bar

tujh par kabhi nikhar na aye Khuda kare

meri tarah tujhe bhi jawani mein gam mile

tera na koi sath nibhaye Khuda kare

manzil kabhi bhi pyar ki tujh ko na mil sake

tu bhi dua ko hath uthaye Khuda kare

tujh par shab-e-wisal ki raten haram hon

shammein jala jala k bujhaye Khuda kare

ho jayen bad-duayen meri dosto galat

ab un pe koi harf na aye Khuda kare

Share this post


Link to post
Share on other sites

ye kya muqam hai wo nazare kahan gaye

wo phul kya huye wo sitare kahan gaye

yaran-e-bazm-e-jurrat-e-rindana kya hui

un mast ankhariyon k ishare kahan gaye

ek aur daur ka wo taqaza kidhar gaya

umre huye wo hosh k dhare kahan gaye

uth uth k baith chuki gard rah ki

yaro qafile thake hare kahan gaye

betab tere dard se the charagar "Hafeez"

kya janiye wo dard k mare kahan gaye

Share this post


Link to post
Share on other sites
Bohat khoob Emaad..

Thanks aryan

nice bro :yes:

Thanks KHushi

Share this post


Link to post
Share on other sites

Create an account or sign in to comment

You need to be a member in order to leave a comment

Create an account

Sign up for a new account in our community. It's easy!

Register a new account

Sign in

Already have an account? Sign in here.

Sign In Now
Sign in to follow this  

×

Important Information

We have placed cookies on your device to help make this website better. You can adjust your cookie settings, otherwise we'll assume you're okay to continue.