kamal 82 Posted May 13, 2010 Muhabbat kis ko kehtay hain Humien tum ne sikhaya tha Ibadat kis ko kehtay hain yeah bhi tum ne bataya tha Mager jab hum muhabat ki kisi wadi main khoye thay Suhanay khawab mairy jagti Aankhoon main soye thay Humien tanha kiya tum ne koi awaz tuk na dee Tumhain dhoondha buhat sapnay sajati mairu AankhooN ne Buhat khush-fehmian palay Buhat hi door ja niklay Jahan se lout anay main Humien ik umer lagni thi To us dum ik pal socha! Ke kion na hum kuch door aur ja batkien Kisi nayee oor ja niklien Kisi ke sath phir hum bhi Khail muhabbat ka phir khailien Kisi ka torde dien dil hum Kisi ko soze main dhakelien Mager mushkil pari hum ko Ke hum pather nahi balkay dharakta dil hi rakhtay hain Share this post Link to post Share on other sites
kamal 82 Posted May 13, 2010 Abhi jub lout ker phir TUM humaray dur per aye ho Yeah tum se keh diya kis nien ke TUM bin reh nahien saktay ke yeah dukh seh nahien saktay Chalo yeah maan laitay hain ke TUM bin HUM buhat roye kayee ratoon ko na soye Mager ik baat hai "JANA" Ke TUM nakam loto gay Ager TUM jannana chaho ke aisa kion kiya HUM nien To sun lo ghor se "JANA" Purani ik riwayat torde di HUM nien "MUHABBAT chorde di HUM ne" "MUHABBAT chorde di HUM ne". Share this post Link to post Share on other sites
kamal 82 Posted May 13, 2010 Kitna Pyaar diya usse per mila kuch bhi nahi Itni gehri Chahat ka hasil - o - hasool kuch bhi nahi Woh hum se khafa the to Jaan nikal gayi thi hamari Hum un se khafa hain to un ko malaal kuch bhi nahi Is qadar dukh diye hain na jaane kis khata per Per hum bhi Sabar kargaye aur kiya sawal kuch bhi nahi Us ki khushi main Hansne wale Khaas hain us ke liye Dukh main us ke saath hum, hamari misaal kuch bhi nahi Share this post Link to post Share on other sites
kamal 82 Posted May 13, 2010 SUNOO...... "Bachpan k dukh kitne Ache hote thay, Tab Dil nahi Khilonay tota kerte thay, Wo Khushian b janay kaisi Khushiyan thien, Titli Pakar ker Uchla kerte thay, Chotay thay to Maqr-o-Faraib b chotay thay. Dana dal ker Chiriyan Pakra kerte thay, Apni jan jane ka b Ehsas na tha, Jalte Sholon ki Taraf Lapka karte thay, Ab Aik Ansoo giray to ruswa ker deta ha, Bachpan mein to ji bhar k Roya kerte thay. Share this post Link to post Share on other sites
kamal 82 Posted May 13, 2010 Har Simat Gham-E-Hijar K Tofaan Hain Mohsin Mat Pooch Keh Hum Kitny Preshan Hain Mohsin, Har Chehra Nazar Aata Hai Tasweer Ki Soorat Hum Shehar K Logon Se Bhi Anjaan Hain Mohsin, Jis Shehr-E-Mohabat Ne Humain Loot Liya Hai Us Shehar Se Ab Kooch K Imkaan Hain Mohsin, Kashti Abhi Umeed Ki Doobhi To Nahi Hai Phir Kiun Teri Aankhon Mein Yeh Tofaan Hain Mohsin, Kar In Ka Adab" Rakh Inhain Seeny Se Laga kar Ye Dard" Ye Tanhaiyaan Mehmaan Hain MOHSIN Share this post Link to post Share on other sites
kamal 82 Posted May 13, 2010 Tum ko ik talkh haqeqat bhi bata dety hain, Jisko aksar ye log chupa dety hain, Tum ne girty huay patton ko to Dekha ho ga, Apni har saans wo tehni pe ganwa dety hain, Kia khob sajaty hain baharon mein shajr ko, Kari dhoop mein apna ap jala dety hain, Kitny be-reham shajr hain naey patton ki khushi mein, Puranay Patton ko Khizaon mein gira dety hain. Aur jo girtey hain qadmon mein shajr k, Log unhi wafa daron ko pairon mein daba dety hain. Share this post Link to post Share on other sites
kamal 82 Posted May 13, 2010 pehle roushni ko tarasne wale, aaj hain hum shayon se dosti rakhne wale woh suna chuke hain humein apna faisla, har sawal ka jawab sawal se dene wale kyon umeed karke udas karon khud ko, jhooti ass banaee kwabon mein rehne wale teri nasseb mein hai sirf sohrat-e-harf, nahi milenge lafzoon ko mehsoo karne wale Share this post Link to post Share on other sites
kamal 82 Posted May 13, 2010 abhi to ishq main aisa bhi hal hona he ke ashk rokna tum se mahal hona he her aik lab pe hen meri wafa ke afsanay teray sitam ko abhi zawal hona he baja ke khar hen lekin bahar ki rut main ye tay he ab ke humain bhi nihal hona he tumhen khabar hi nahi tum to loat jaogay tumharay hijar main lamha bhi saal hona he hamari rooh pe jab bhi azaab utreen gay tumhari yaad ko is dil ki dhaal hona he kabhi to royee ga wo bhi kisi ki banhoon main kabhi to uski hansi ko zawal hona he milaingi humain bhi apnay naseeb ki khushiaan bas intizar he kab ye kamal hona he her aik shakhs chalay ga hamari rahon per muhabatoon main humain wo misal hona he zamana jis ke kham-o-peech main ulajh jayee hamari zaat ko aisa sawal hona he Wasi yaaqeen he mujh ko wo loat aye ga usay bhi apnay kiyaee ka malal hona he Share this post Link to post Share on other sites
kamal 82 Posted May 13, 2010 zalim tha woh, aur zulm ki adat bhi bahut thi majbur the hum, us se muhabbat bhi bahut thi.... us but ke sitam seh ke dikha hi diya hum ne go apni tabiyat mein bagawat bhi bahut thi...... wakif hi na tha ramz-e-muhabbat se woh warna dil ke liye thori si inaayat bhi bahut thi..... yun hi nahi mashur-e-zamana mera katil us shakhs ko is fan mein maharat bhi bahut thi... kya daur-e-ghazal tha, ke lahu dil mein bahut tha aur dil ko lahu karne ki fursat bhi bahut thi..... Share this post Link to post Share on other sites
kamal 82 Posted May 13, 2010 Kisi ka Sath nebhana kamal hota hai Kisi Ko pHir se Bulana Kamal hota hai Wo mujh Ko Chor gaya hai to Koi Baat nhi k Dil ko saber dilana Kamal hota hai Khud Apne dard ko her koi jheel leta hai Kisi ka dard batana Kamal hota hai Koi pahar gerana nahi hai na mumkin Girre huay Ko uthana Kamal hota hai Kisi Andheray ko sehna Kamal lugta hai Phr is main Deep jalana Kamal hota hai Kisi ke aankh se dori to Zulm hai HaSraT Kisi k Dil main samana Kamal hota hai.... Share this post Link to post Share on other sites
kamal 82 Posted May 13, 2010 Elahi Teri Makhloq Ka Ajab Ek Tamasha Dekha.. Chhalaktey Jaam Dekhy Samandron Ko Pyasa Dekha, Ye Kya Majra Hai Apni To Samjh Mein Nahi Aya.. Admi Apni Hi Justju Mein Ulajhta Dekha, Jin K Haath Thy Khali Wo Masrof-e-Zikr Dekhay.. Haathon Mein Liye Tasbi-e-Anmol Waaiz Ko Bhatkta Dekha, Alhamd-u-Lillah Ka Matlab To Samajh Mein Aya.. Siraat-e-Mostaqim K Matlab Pe Logon Ko Jahgarta Dekha, Eiman Bechty Huye ADAM K Betay Dekhay.. HAVAA Ki Beti Ko Sar-e-Bazar Bikta Dekha, Kaise Dunya K Makr-o-Fraib Se Samjhota Kr Loon.. K In Aankhon Ne Kitne Jalte Diyoon Ko Bhujta Dekha. Share this post Link to post Share on other sites
kamal 82 Posted May 13, 2010 Ghaltiyon Se Juda Woh Bhi Nahi Main Bhi Nahi, Dono Insan hain Khuda Woh Bhi Nahi Main Bhi Nahi, woh Mujhe Aur Main Usay Ilzam Detay Hain Magar, Apnay Andar Jhankta Woh Bhi Nahi Main BHi Nahi, Maslehaat Ne Kardiya Dono Mein paida Ikhtilaaf, Warna Fitray Ka Bura Woh Bhi Nahi Main Bhi Nahi, Mukhtalif Simton Mein Dono Ka Safar Jari Raha, Aik Lamhay Ko Ruka Woh Bhi Nahi Main Bhi Nahi, Chahtay Dono Buhat Aik Dusray Ko Hain Magar, Yeh Haqeeqat Manta Woh Bhi Nahi Main BHi Nahi........!!!! Share this post Link to post Share on other sites
kamal 82 Posted May 13, 2010 Kaise Bhool Gaye Sath Guzaray Din, Lagta Na Tha Dil Uska Mere Bin, Doston Se Kaha Karta Tha, Kya Yeh Jee Sakay Ga Mere Bin, Mazaq Ban Jata Tha Doston Mein, Khud Ko Tanha Samajhta Tha Mere Bin, Usay Had-e-Dewangi Kahun Ya Pagal Pan, Tasawur Mein Baatein Kiya Karta Tha Mere Bin, Musamon K Badalnay Se Darta Tha, Par Bahar Mein Murjha Jata Tha Mere Bin, Ab Aas Toot Gayi Us K Aanay Ki, Lagta Hai K Jeena Seekh Gaya Mere Bin.....!!!! Share this post Link to post Share on other sites
kamal 82 Posted May 13, 2010 Sadyon Se Ik Sapna He, Kaho Pura Kro Gey Tum? Bhool Jao Mere Siwa Sub Kuch, Kaho Aisa Kro Gey Tum? Nai Kuch Or Tamana Ab, K Bus Mere Ho Jao Tum, Kabi Na Chor K Jao Gey, Kaho Aisa Kro Gey Tum? Faqt Ik Lafz Sun'ne Ko Kai Barso Mein Tarasa Hun, MUJHE APNA BNA LO TUM Kaho Aisa kro Gey Tum? Share this post Link to post Share on other sites
kamal 82 Posted May 13, 2010 Kabhi jo mujh ko talaash kerna Tou chand raaton ki chandni main Gul-e-chaman say sawal kerna Udaas kiun ho?? Kyun oas-Qatron main apnay aanso Chupaa rehay ho Haseen mausam main kis ki yadoon main Apnay dil ko jala rehay ho Gul-e-chaman yeh sawal sun ker Tumhari aamad ka haal sun ker Kehay ga tum jis ko khoojtay ho Woh in baharoon ki sari khushboo Churaa kay abb ik nay chaman main Mehek raha hay Udaas ker kay yahan pay hum ko Kisi chaman main chehek raha hay Gul-e-chaman ka yeh haal sun ker Tumhain lagay ga main baywafa hoon Udaas kalioon ko choor ker main Nai baharoon ko dhoondta hoon Mager haqeeqat main is chaman kay Tamaam phoolon ki khwahishon kaa Aur in ki nakkam kavishoon ka Haseen mousam ki barishoon ka Naa meray dil per aser hua tha Naa meray dil per aser hua hai Main aaj bhi ik nay chaman main Puranay qissay suna reha hoon Joo mere chahat ka devtaa tha Main aaj bhi us ko poojta hoon Yaqeen nahi tou palat kay dekho Waheen khara tha,waheen khara hoon Share this post Link to post Share on other sites
kamal 82 Posted May 13, 2010 Woh Ojal Meri Nighaon Se Kahan Rehta Hai, Woh Aashk Ban Kar Aankhon Se Rawaan Rehta Hai, Kissi Lamhay tanha Honay Nahi Deti Uski Yaadein, Mere Aangan Mein Melay Ka Samaa Rehta Hai, Har Ghari Dil Ka Daricha Khula Rakhtay Hain, Har Ghari Uskay Aanay Ka Gumaan Rehta Hai, Log Khetay Hain Zakham Bhar Jatay Hain Aakhir, Zakham Bhar Jatay Hain Laikin Nishan Rehta Hai, Woh Miley Toh Itna Bata Dena Usko, Tujh Bin Tera Sanam Pereshaan Rehta Hai.......!!!! Share this post Link to post Share on other sites
kamal 82 Posted May 13, 2010 Khud ko paRhtaa huuN, chhoR detaa huuN ek varq roz moR detaa huuN is qadar zaKhm haiN nigaahon meN roz ek aaiinaa toR detaa huuN maiN pujaarii baraste phuuloN ka chuu ke shaaKhoN ko chhoR detaa huuN kaasa-e-shab meN Khuun suuraj kaa qatraa qatraa nichoR detaa huuN kaaNpte hoNT bhiigtii palkeN baat adhuurii hii chhoR detaa huuN ret ke ghar banaa banaa ke “Faraz” jaane kyuuN Khud hii toR detaa huuN Share this post Link to post Share on other sites
kamal 82 Posted May 13, 2010 Mujhay yaqee'n hai k wo bhi tarhap raha ho ga jisay ye zidd thi k harr haal mai juda ho ga meray wajood say kan'tay nikal nay walo mera wajood bikharnay laga tau kya ho ga mera khuloos meri jaa'n, supurdagi, mera gham tera saha'oor kisi ko to janta ho ga milay gay ham magar uss damm sulagti aankho'n mai na janay kitni hi sadyo'n ka ratt jaga ho ga zamee'n ki samt mai aaye, na arsh ko jaye ye chaand meri bhatakti hui dua ho ga chaman udaas, mehek muztarab, faza khamosh mera qayas hai "Monis" ghazal saraa ho ga....!!!! Share this post Link to post Share on other sites
kamal 82 Posted May 13, 2010 Hawa ko awara kehne walo, kbi to socho, kbi to likho, hawaien kyo apni manzilon se bhatak gain hain, na unki aankho main khab koi, na khab main intizar koi, na un k sare safar main subh-e-yaqeen koi, na sham or eitbar koi, na un ki apni zameen koi, na aasman pe koi sitara, na koi mosam, na roshni ki lakeer koi, na unka apna safeer koi, jo un k dukh per kitab likhe, musafirat k azaab likhe, Hawa ko aawara kehne walo, kbi to socho............... ................... Share this post Link to post Share on other sites
SimpleRayyan 4 Posted May 13, 2010 hmmmm....thts gud ye hui na baat....dis is for u ....keep posting Share this post Link to post Share on other sites
kamal 82 Posted May 13, 2010 Maqrooz k bigrey howe halaat ki manind Majboor k hountoon pe sawalaat ki manind Dil ka teri chahat main ajab haal howa hay Selaab se barbaad makanaat ki manind Main un main bhataktey howe jugnoo ki tarha hoon Us shaks ki aankhain hain kisi raat ki manind Dil roz sajata hoon main dulhan ki tarha se Ghum roz chalay aatay hain baraat ki manind Ab ye bhi nahi yaad k kya naam tha uska Jis shaks ko maanga tha manajaat ki manind Kis darja muqaddas hay tere qurb ki khawahish Masoom se bachey k kheyalaat ki manind Us shaks se milna mera mumkin he nahi hay Main pyaas ka sehra hoon wo barsaat ki manind.....!!! Share this post Link to post Share on other sites
kamal 82 Posted May 13, 2010 Cheer Ke Dekh Le Is Dil Mein Bachaa Kuch Bhi Nahi Is Ghar Mein Teri Yaadon Ke Sivaa Kuch Bhi Nahi Kahaan Ka Ishq,Wafa,Pyaar, Mohabbat Kaisi Aaj Kal Soney Ke Sikkon Se Baraa Kuch Bhi Nahi Apne Haathon Ki Lakeeron Se Khafa Hyun Lekin Mere Mehboob Mujhe Tujhse Gilaa Kuch Bhi Nahi Humne Haste Hue Jaan De Di Tere Qadmon Mein Tu Kyon Rota Hai Ke Tera To Gayaa Kuch Bhi Nahi Ek Zamana Tha Ke Palkon Pe Khwaab Rehte The Ab To Aankhon Mein Aansuyon Ke Sivaa Kuch Bhi Nahi Duaa Kiije Ke Karishma Hi Koi Ho Jaaye Iss Duinya Mai Mohabbat Ki Davaa Kuch Bhi Nahi Sar-E-Mehfil Faqat Nazren Milaayi Thi Tumse Ghabraaye Kisliye Humne To Kaha Kuch Bhi Nahi Yaaro Main Mita Hun Apni Marzi Se Unhey Tum Kuch Na Kaho Unki Khataa Kuch Bhi Nahi...* Share this post Link to post Share on other sites
kamal 82 Posted May 13, 2010 Meri barbadi ki daastan sunane se pehle, Mujhe itna bata jaate chhod jaane se pehle, Agar koi shikwa tumne mujhse kiya hota, Main tumko mana leta rooth jaane se pehle, Tum khush naseeb ho humne chaha hai tumhain, Warna bahut the humko chahne wale tumse pehle, Kya maloom tha itna tarpayegi judai teri, Dekho tum laut aana yeh jaan jaane se pehle...* Share this post Link to post Share on other sites
kamal 82 Posted May 13, 2010 Apna Naseeb Gham Tha So Baar Baar Roye Apnon Ko Yaad Kar Ke Hum Beqarar Roye Paani Ka Sath Pa Kar Aasou Tadap Ke Niklay Barish Ko Dekh Kar Hum Zaro Qataar Roye Tanhayon Mein Apni Koi Na Paas Aaya Khud Se Lipt Lipt Kar Hum Baar Baar Roye Ruswaiyon Ke Dar Se, Jin Ka Kiya Na Charcha Hum Naam Unka Sun Kar Be-Ikhtiyaar Roye Phir Zabt Nay Bhi Apna Duniya Mein Sath Chhora Aakhir Tadap Tadap Kar Hum Zaar Zaar Roye Aaya Khayaal Apni Barbaadiyon Ka Monis Chhup Kar Sabhi Se Ghar Mein Diwana Waar Roye...!!!! Share this post Link to post Share on other sites
kamal 82 Posted May 13, 2010 Juda honey ke mausam mein juda hona zaroori tha Na janey kyun kisi ka bewafa hona zaroori tha Kisi se koi bhi gila nahi na koi bhi shikayat hai Jo mere sath chahat mein hua hona zaroori tha Bohat nazdeek thy dil is liye ab dooriyan bhi hain Dilon ke darmiyaan kuch faasla hona zaroori tha Usey bhi dard deney ka bohat shoq tha Wasi Humein bhi dard-o-gham se aashna hona zaroori tha Share this post Link to post Share on other sites
