Emaad 56 Posted December 22, 2007 (edited) “Mehsoos Kar Mujhay Tu, Kabhi Paas Aa K Dekh” Mehsoos Kar Mujhay Tu, Kabhi paas aa K Dekh Merey Jahan-E-Dil Main Apna Ghar Basa K Dekh Koi Aisey Ajnabi Bhi Nahin Is Shahar K Log Kuch Keh Tu Ranj-O-Gham Ki, Sab Ko Suna K Dekh Humshakal Ho Gaya Hai Merey Gham Ka, Tera Gham Tu Merey Dil Ko Apna Aaina Bana K Dekh Yeh Farq Dair-O-Harm Ka Nazron Ka Bharam Hai Tu Deengah Say Apni, Bahar Tu Aa K Dekh Jab Ranjishon Main Kat Gayee, Ab Na Fareeb Kar Waqt Aakhiri Hai, Ab Na Muskura K Dekh Khamosh Sun Rahay Hain Hum, Sarghoshi-E-Bahar Aatay Hain Apnay GaaoN Say Jhonkay Hawa K Dekh Main Muntazir Hoon Roz-O-Shab, Aye Dard-E-Do_Jahan! Bay-Dard, Jab Bhi Waqt Milay, Aazma K Dekh................... Edited December 22, 2007 by emaad Share this post Link to post Share on other sites
Nice Friend 1 Posted December 29, 2007 Ufff Emaad..is qadar afsurda shairi???????????? Share this post Link to post Share on other sites
Emaad 56 Posted September 3, 2008 Bohat kuch badal jata hai Bohat kuch badal jata hai Tere aane ke baad, Bohat kuch bichar jata hai Tere jaane ke baad, Wo samandar ki leharen, Wo rait ke mehal, Bohat kuch beh jata hai Saahil se takra jaane ke baad, Wo baarish ke moti, Wo taaro ki khawahish, Bohat kuch bikhar jata hai Khawaab toot jaane ke baad, Wo teri parchaiyon se takrana, Wo saayon ka lehrana Bohat kuch mit jata hai andhera chaa jaane ke baad Share this post Link to post Share on other sites
Zaini 22 Posted September 4, 2008 Nice Collection Bro Share this post Link to post Share on other sites
Zaini 22 Posted September 4, 2008 Aankhon ka rang, baat ka lehja badal gaya Woh shakhs aik shaam main kitna badal gaya Kuch din tou mera aks raha aaine pay naqsh Phir youn huwa k khud mera chehra badal gaya Jab apnay apnay haal pay hum tum na reh sakay Tou kiya huwa jo hum say zamana badal gaya Qadmon talay jo rait bichhi thi woh chal pari Us nay chhuraya haath tou sehra badal gaya Koi bhi cheez apni jageh par nahi rahi Jaatay hi aik shakhs k, kiya kiya badal gaya Ek sarkhushi ki moj nay kaisa kiya kamal Wo bay-niaaz saara ka saara badal gay . Uth kar chala gaya koi waqfay k darmiaan Parda utha tou saara tamasha badal gaya Hairat say saaray lafz usay dekhtay rahay Baaton main apni baat ko kaisay badal gaya Kahnay ko ik sehan main deewar he bani Ghar ki fiza makaan ka naqsha badal gaya Shayad wafa k khel say uktaa gaya tha woh Manzil k paas aaak jo rusta badal gaya Qiam kiis bhi haal pay dunia nahi rahi Taabeer kho gayee kabhi sapna badal gaya Manzar ka rang asal main saaya tha rang ka Jis nay usay jidhar say bhi dekha badal gaya Andar k mosamon ki khabar us ko ho gaye Us no-bahaar-e- naaz ka chehra badal gaya Aankhon mein jitna ashk thay jugnoo say ban gaye Woh muskuraya aur meri dunia badal gaya Apni gali main apna hi ghar dhoondhtay hain log Amjad ye kon se sheher ka naqsha badal gaya Share this post Link to post Share on other sites
nutkhutboy 0 Posted September 5, 2008 Hi its my first day here Share this post Link to post Share on other sites
Emaad 56 Posted September 7, 2008 sunaa hai log use ankh bhar ke dekhate hain so us ke shahar main kuchh din Thahar ke dekhate hain sunaa hai rabt hai us ko Kharaab haaloun se so apane aap ko barbaad karake dekhate hain sunaa hai dard ki gaahak hai chashm-e-naazuk us ki so ham bhi us ki gali se guzar kar dekhate hain sunaa hai us ko bhi hai sher-o-shaayarii se shagaf so ham bhi mojaze apane hunar ke dekhate hain sunaa hai bole to baatoun se phuul jhaartay hain ye baat hai to chalo baat kar ke dekhate hain sunaa hai raat use chaand takataa rahataa hai sitaare baam-e-falak se utar kar dekhate hain sunaa hai hashr hain us kii Gazaal si aankhein sunaa hai us ko hiran dasht bhar ke dekhate hain sunaa hai din ko use titaliyaan sataati hain sunaa hai raat ko jugnuu Thahar ke dekhate hain sunaa hai raat se barr kar hain kaakulein us ki sunaa hai shaam ko saaye guzar ke dekhate hain sunaa hai us ki siyaah chashmagi qayaamat hai so us ko surmaafarosh aankh bhar ke dekhate hain sunaa hai us ke laboun se gulaab jalate hain so ham bahaar par ilzaam dhar ke dekhate hain sunaa hai aainaa tamasaal hai jabiain us kaa jo saadaa dil hain ban saanvar ke dekhate hain sunaa hai jab se hamaail hain us ki gardan main mizaaj aur hi laal-o-gauhar ke dekhate hain sunaa hai chashm-e-tasawar se dasht-e-imkaan main palang zaave us ki kamar ke dekhate hain sunaa hai us ke badan ke taraash aise hain ke phuul apani qabaayen katar ke dekhate hain vo sarv-qad hai magar be-gul-e-muraad nahain ke us shajar pe shaguufe samar ke dekhate hain bas ek nigaah se luTataa hai qaafilaa dil kaa so rahain-ravaan-e-tamannaa bhi Dar ke dekhate hain sunaa hai us ke shabistaan se muttasil hai bahisht makeen udhar ke bhi jalve idhar ke dekhate hain ruke to gardishein us kaa tawaaf karati hain chale to us ko zamaane Thahar ke dekhate hain kise naseeb ke be-pairahan use dekhe kabhi kabhi dar-o-diivaar ghar ke dekhate hain kahaaniyaan hian sahi sab mubaalaGe hi sahi agar wo Khvaab hai taabeer kar ke dekhate hain ab us ke shahar main Thaharein ki kuuch kar jaayein 'Faraz' aao sitaare safar ke dekhate hain Share this post Link to post Share on other sites
chinky 31 Posted September 7, 2008 EXCELLENT.....MATI Share this post Link to post Share on other sites
Emaad 56 Posted September 13, 2008 Wahan say pani ke eik Bond na Nikal Saki Faraz Tamam umer hum jin ankho ko jheel likhtay thay Share this post Link to post Share on other sites
Emaad 56 Posted June 20, 2009 HAR LAMHA TERI YAAD.... har lamha teri yaad ki khushbu hai merey pas is shehr main tanha hoon magar tu hai mere pas jis shakl ko chaho.n teri soorat main badal doo.n ye husn-i-tasawwar hai ke jadu hai merey pas rakhta hai sada jo meri raato.n ko muattar woh terey badan ka gul-i-khushbu hai merey pas kia muj ko pasand aaye.n gey is shehar ke naghmey tu hai meri koyal teri ku ku hai merey pas kiyun thamo.n ga main jana.n kisi aur ki banhai.n pehney huey kangan tera bazu hai merey pas ab chahon qateel us k nagar tak muje le jaey socho.n ka chamakta hua jugnu hai merey pas Share this post Link to post Share on other sites
Emaad 56 Posted August 18, 2009 wo ishq jo hum se rooth gaya wo ishq jo hum se rooth gaya, ab uss ka haal bataaein kya koi mehr nahin koi qehr nahin, phir sachha shayr sunaaein kya ik hijr jo hum ko laahaq he, ta dayr usay dohraaein kya wo zehr to dil mein utaar liya, phir uss ke naaz uthaaein kya ik aag ghame-e-tanhaai ki, jo saare badan mein phel gai jub jism hi saara jalta ho, phir daaman-e-dil ko bachaaein kya hum naghma-saraa kuch ghazlon ke, hum soorat-gar kuch khaabon ke be-jazba-e-shauq sunaaein kya, koi khaab na ho to bataaein kya koi mehr nahin koi qehr nahin, phir sachha shayr sunaaein kya wo ishq jo hum se rooth gaya, ab uss ka haal bataaein kya Share this post Link to post Share on other sites
Emaad 56 Posted August 30, 2009 Koyi dost hai na koi rakeeb hai Tera shaher kitna ajeeb hai Yahan kiska chehra pada karoon Yahan kaun itna qareeb hai Main kis se kahoon mere saath chal Yahan sab kay sar par saleeb hai Share this post Link to post Share on other sites
Emaad 56 Posted August 30, 2009 Bhoolne waale se koyi keh de zara is tarah yaad aane se kya faaida, Jab mere dil ki duniya basaati nahin phir khayaalon mein aane se kya faaida Kya kahoon aapse kitni umeeden thi Aap kya badle duniya badal si gayi, Aasra de ke dil tod te hain mera Is tarah sataane se kya faaida, Chaar tinke jala ke kya mil gaya Mit sakana zamane se mera nishaan, Mujhpe bijli girao to jaanu sahi Aashiaan par girane se kya faaida Share this post Link to post Share on other sites
Emaad 56 Posted December 8, 2009 کچھ تو احساس تنہائی کم ہو گا گر سائے کو دیکھ لیں اپنے Share this post Link to post Share on other sites
Emaad 56 Posted December 8, 2009 A very nice poetry addition وہ بدل گيا اچانک ميري زندگي بدل کر کبھي مجھ کو ساتھ لے کر کبھي ميرے ساتھ چل کر وہ بدل گيا اچانک ميري زندگي بدل کر ہوئے جس پے مہربان تم کوئي خوش نصيب ہو گا ميري حسرتيں تو نکليں ميرے آنسوؤں ميں ڈھل کر کوئي پھول بن گيا ہے کوئي چاند کوئي تارا جو چراغ بجھ گئے ہيں تيري انجمن ميں جل کر ميرے دوستو خدارا ! ميرے ساتھ تم بھي ڈھونڈو وہ يہيں کہيں چھپے ہيں ميرے غم کا رخ بدل کر تيري بے جھجک ہنسي سے نا کسي کا دل ہو ميلا يہ نگر ہے آئينوں کا يہاں سانس لے سنبھل کر کبھي مجھ کو ساتھ لے کر کبھي ميرے ساتھ چل کر وہ بدل گيا اچانک ميري زندگي بدل کر Share this post Link to post Share on other sites
shahabi 23 Posted December 8, 2009 NICE COLLECTION EMAAD BROTHER Share this post Link to post Share on other sites
Hmm 1 Posted December 8, 2009 کچھ تو احساس تنہائی کم ہو گا گر سائے کو دیکھ لیں اپنے Really Admirable !!! Share this post Link to post Share on other sites
Emaad 56 Posted December 11, 2009 thanks Hmmm ___________________________________________ Tumhari aankhain kehti hain hisar-e-zaat say niklo Tamanna meri ban jao, shab-e-barbaad say niklo Kinara thaam lo dil ka bhula do her gila shikwa Kabhi sachi hansi hans do punari yaad say niklo Khayal-e-yaar acha hai magar jis nay wafa na ki Palat ker phir sada na do, dar-e-faryad say niklo Nahin koi muhabbat bhi, jijr rut bhi, raqabat bhi To yeh dharka sa kya, kahiye, wehem ki ghaat say niklo Sukhanwer hum say kehta hai saja lo ankh main kuch khwab Dharakna dil ko sikhla do, amaawas raat say niklo Nahin tum ko gawara ab hamara qurb to keh do Hamaray karb ki choro, tum is gardaab say niklo Sar-e-maqtal jo jatay ho, na ho darmandgi kuch bhi Zamana daikh tham jaye, kuch is andaas say niklo Share this post Link to post Share on other sites
Emaad 56 Posted December 11, 2009 Hawa ke haathon ki meherbani se dar gaye hain Ye phool khushbu ki raa'e gaani se dar gaye hain Ye rasm e rukhsat nibhaye kaise ye sochte hain Tumhari aankhon main aaye paani se dar gaye hain Ye teer jitne fiza main aa ker theher gaye hain Kisi prinde ki be-zubani se dar gaye hain Abhi to dil ko udas kerti nahi hain shaamen Abhi se kyoun gham ki hukmarani se dar gaye hain Hamen bhi sahil pe geet likhne they seepi'oun se Magar hawaon ki meherbani se dar gaye hain Share this post Link to post Share on other sites
Emaad 56 Posted December 11, 2009 Donon jahaan teri mohabbat mein haar ke Woh jaa raha hai koi shab-e-gham guzaar ke Viraan hai maikada khum-o-saaghar udaas hain Tum kya gaye ke ruth gaye din bahaar ke Ek fursat-e-gunah mili woh bhi chaar din Dekhe hain hum ne hausle parwardigaar ke Duniya ne teri yaad se begaana kar diya Tujh se bhi dilfreb hain gham rozgaar ke Bhule se muskra ke diye woh aaj Faiz Mat puchh walwale dil-e-nakarda kaar ke Share this post Link to post Share on other sites
Zaini 22 Posted December 12, 2009 Suno tum lot aao na Woh dekho chand nikla hai, Humari muntazer ankhen, Duain maangti ankhen, Tumhe hi sochti ankhen, Tumhe hi dhundti ankhen, Tumhe wapis bulati hain. Yeh dil jab bhi dharrakta hai, Tumhara naam leta hai. Ye aansu jab bhi behte hain, Tumhare dukh may behte hain. Ke barish jab bhi hoti hai, Tumhe hi yaad karti hai. Khushi koi jo aaye bhi, Tumhare bin adhuri hai. Suno tum lot aao na... Simply Awsum Share this post Link to post Share on other sites
Zaini 22 Posted December 12, 2009 HUM NAZUK NAZUK DIL WALAY Hum nazuk nazuk dil wale.. Kabi hanste hæn kabi rote hæn.. Kabi dil may khwab pirote hæn.. Kabi mehfil mehfil phirte hæn.. kabi zaat may gum ho jate hæn.. Kabi chup ki mohar sajate hæn.. Kabi geet labon par ate hæn.. Kabi sab ka dil behlate hæn.. kabi khud tanha hojate hæn.. Kabi shab bhar jagte rehte hæn.. Kabi lambi taan k sote hæn.. Ham nazuk nazuk dil wale.. Bus apne ap may rehte hæn.. Very NIce Share this post Link to post Share on other sites
Zaini 22 Posted December 12, 2009 LET FROM MY CD COLLECTION..!AJNABI SHEHAR KE AJNABI RASTE MERI TANHAI PAR MUSKURATE RAHE MAIN BHOUT DARE TUK YUN HE CHALTA RAHA TUM BHOUT DARE TUKYAAD ATE RAHE ZEHAR MILTA RAHA ZAHAR PEETE RAHE RÅZ MARTE RAHE RÅZ JEETE RAHE ZINDAGI BHI HUMAIN AZMATI RAHI AUR HUM BHE ISSAY AZMATE RAHE ZAKHAM JAB BHI KOI ZEHN-O-DILL PE LAGA ZINDAGI KI TARUF IKK DAREECHA KHULA HUM CHRAAG-E-TAMANA JALATE RAHE,WOH CHRAAG-E- TAMANA BUJHATE RAHE SAKHT HALAT TEZ TOOFAN MAIN GHIR GYA THA HAMARA JUNOON-E-WAFA HUM GOYA KISSI SAAZ KE TAAR HAIN,CHOAT KHATE RAHE GUNGUNATE RAHE Very Nice Share this post Link to post Share on other sites