Shree bhi nahi Laila bhi nahi
Mai Heer nahi Absara bhi nahiii
wo Qisa hain Afsana Hai
wo geet hain prem tarana hain
main Zinda Aik haqeeqt hon
main jazba ishq ki shidat hon
main tum ko dekh ke jeeti hon
main her pal tum pe merti hon
Mai asi Muhabbat kerti hon
Tum kasi Muhabbat kerte ho?
Hath jab bhi dua ko uth'te hain
Alfaaz kahin khoo jate hain
bas dhiyan tumhara rehta hai
or ansoo behte rehte hain
her khuwab tumhara pura ho
Us Rab ki minat kerti hon
Main asi muhabbat kerti hon
Tum kasi muhabbat kerte ho?
Muje Thandak raas nahi ati
Muje barish se khoof ata hai
per jis din se maloom hoa
yeh mosam tum ko bhata hai
ab jab bhi sawan ata hai
barish main bheegti rehti hon
Qatroo mai tumhi ko dhondti hon
Bundoo se tumhara pochti hon
Mai asi muhabbat kerti hon
Tum kasi Muhabbat kerte ho?
Wo Faiz ho,ameer ho,galib ho
wo asger ho,jager ho,jalib ho
wo saif adeem ho,ferhat ho
wo sajid ho,woamjad ho
Sab meri fehm se bala hain
kaisa yeh khel nirala hai
in sab ko ghntoo perhti hon
Main asi muhabbat kerti hon
Tum kasi Muhabbat kerte ho?
Sab kehte hain is dunya ka
her rang tumhi se roshan hai
mere ishq ke dawedar hain sub
sub muje dewi kehte hain
per muj ko aisa lagta hai
her rung tumhi per jachta hai
tum na ho tu be-rang hon main
be-ronaq hai tasweer merii
tum khuwab mera,tabeer merii
tum se judi hai taqdeer meri
jo khaak tumhe choo jati hai
us miti per main merti hon
Main asi muhabbat kerti hon
Tum kaisi muhabbat kerte ho?
Tum jab bhi gher per atay ho
or sub se batain kerte ho
main aout se perde ki janaaa
bas tumhain dekhti rehtii hon
aik tumhain dekhne ki khatir
main kitni pagal hoti hon
Main asi muhabbat kerti hon
Tum kasi muhabbat kerte ho?
jab derwaze per dastek ho
ya ghnti phone ki bajti ho
main chor ker sub kuch bhagti hon
per jab tumhain nahi pati hon
jee bher ker ronay lagti hon
Main asi Muhabbat kerti hon
Tum kasi Muhabbat kerte ho?
Mehfil main kahin jab jana ho
kaproo ka chnaoo kerna ho
rango ki dhank si bhikri ho
us rang pe dil ajataa haiii
jo rung ke tum ko bhata hai
Main asi muhabbat kerti hon
Tum kasi muhabbat kerte ho?
Rozana apne collge main
kisi or ka lecture sunte hoy
ya break ke khali ghente main
sakhiyo se batain kerte hoy
mere dhiyaan main tum ajate ho
main mai nahi rehti phr janaa
main tum main gum hojati hon
bas khuwaboo mai khoo jati hon
un ankhoo mai kho jati hon
Main asi muhabbat kerti hon
Tum kasi muhabbat kerte ho?
Jis chehre per bhi nazer pare
wo chera tum sa lagta hai
wo raat ho ya ke din same
sub kitna bhala sa lagta hai
jane yeh kaisa nasha hai
ke germi ka tapta mosam bhi
jare ka maheena lagta hai
Main asi muhabbat kerti hon
Tum kasi muhabbat kerte ho?
Tum jab bhi samne atay ho
Main tum se sun'na chati hon
Ay kash kabi tum yeh keh do
Tum muj se muhabbat kerte ho
Tum muj ko be-had chahte ho
per tum jane kyun chup ho
yeh soch ker dil ghbrata hai
aisa tu nahi hai na jana
ke sub meri nazer ka dhoka ho
tum ne muje kabi chah hi na ho
koi or hi dil mai rehta ho
main tum se pochna chahti hon
main tum se kehna chahti hon
lekin kuch poch nahi sakti
mana ke muhabbat hai phr bhi
Lab apne khol nahi saktii
Khuwaboo mai bohat kuch bolti hon
per samne chup hi rehti hon
main lerki hon kase keh don
main kasi muhabbat kerti hon..
main tum se yeh kaise pochon
tum kasi muhabbat kerte ho?
Main asi muhabbat kerti hon
Tum kasi muhabbat kerte ho?
(Poem BY khalilullah Farooqui)
