FOREVER3FRIENDS 0 Posted March 18, 2009 Dil gaya ,tum ne liya, hum kya karen Jaane wali cheez ka gham kya karen Bukhsh dena ,pyaar ki ,gustaakhiyan Dil hi qaboo me nahi,Hum kya karen Maarqa hai aaj Husn-o Ishq me Dekhiye wo kya karen,Hum kya karen Tund Khu hai kab sunay wo dil ki baat Aur bhi burham ko burham kya karen ( Daag Dehalvi ) Share this post Link to post Share on other sites
FOREVER3FRIENDS 0 Posted March 18, 2009 jab teraa hukm milaa tark muhabbat kar dii dil magar is pe vo dha.Dhakaa ki qayaamat kar dii tujh se kis tarah mai.n izhaar-e-tamannaa karataa lafz suujhaa to maanii ne baGaavat kar dii mai.n to samajhaa thaa ki lauT aate hai.n jaane vaale tuune jaakar to judaa_ii merii qismat kar dii mujh ko dushman ke iraado.n pe bhii pyaar aataa hai terii ulfat ne muhabbat merii aadat kar dii puuchh baiThaa huu.N mai.n tujh se tere kuuche kaa pataa terii haalat ne kaisii terii surat kar dii kiya tera jism,tery husnki wehdat main jlaa rakh kis ny terii sony jesi rangat kar dii (Ahmad Nadeem Qasimi) Share this post Link to post Share on other sites
FOREVER3FRIENDS 0 Posted March 18, 2009 ret se but na bana aye mere achhay fankaar aik lamhay ko Theher maiN tujhy patthar laa duN maiN tery samny ambaar laga duN lekin kon sy rang ka patthar tery kaam aayega? surkh patthar jisy dil kehti hai be-dil duniya ya woh patthraai hui aaNkh ka neela patthar jis meiN sadiyoN kay tahayyur kay paRe hoN Dory kya tujhy rooh kay patthar ki zaroorat hogi jis py haqq baat bhi patthar ki tarah girti hai ik woh patthar hai jisy kehty haiN tehzeeb-e-safed us kay marmar meiN syaah khoon jhalak jaata hai aik insaaf ka pathar bhi to hota hai magar haath meiN tesha-e-zarr ho to woh haath aat ahai jitny meaar haiN is dor kay sab patthar haiN jitny afkaar haiN is dor kay sab patthar haiN shair bhi rqas bhi tasveer o ghina bhi patthar mera ilhaam terazehn-e-rasa bhi patthar is zamany mein to har fann ka nishaaN patthar hai haath patthar haiN teray meri zabaaN patthar hai ret se butt na bana aye mere achhy fankaar! ((Ahmad Nadeem Qasimi)) Share this post Link to post Share on other sites
FOREVER3FRIENDS 0 Posted March 18, 2009 Sab kahan kuch lala o gul mein numaya ho gai khak mein kya surteen hogi ki pinha ho gai neend uski hai dimag uska hai raaten usi ji hai teri zulfein jiske shano pe parisha'n ho gain in pari jadon se to hum khuld mein lege inteqam kudrat e haq se gar yahi hooree'n wa ho gain yuhi gar rota raha ghalib to ae aehley jahan dekhana in bastiyon ko ki wiran ho gain (Mirza Ghalib) Share this post Link to post Share on other sites
FOREVER3FRIENDS 0 Posted March 18, 2009 DIL HI TO HE NA SANG O KHASHT DARD SE BHAR NA AAE KOIN ROE GE HUM HAZAR BAR KOI HAME SATAE KION DEAR NAHI. HARAM NAHI, DAR NAHI, AASTAN NAHI, BETHE HE RAAH GOZAR PE HUM,KOI HAME UTHAE KOIN JUB WO JMALE DIL FAROZ,SORATE MHERE NEEMROOZ AAP HI HO NAZZARA SOOZ PARDE MAIN MON CHOPAE KOIN? DASHNA GHAMZA JAN SATAN,NAO KE NAZ BE PANHA TERA HI AKSE RUKH SAHI,SAMNE TERE AAE KOIN? QEADE HAYAT O BANDA E GHUM ASAL MAIN DONO EK HEIN MOT SE PHELE AADMI GHUM SE NIJAT PAE KOIN HOSN OUR USPE HUSNE ZAN,REH GAI BO ALHOS KI SHARAM APNE PE AETMAD HE GHEAR KO AAZMAIE KOIN? WAN WO GORORE AZONAZ,YAN YE HAJABE PASE WAZE RAH MAIN HUM MELE KHA,BAZAM MAIN WO BOLAE KOIN? HAN NAHI WO KHODA PRAST,JAO WO BEWAFA SAHI JIS KO HO DEEN O DIL AZEEZ US KO GALI MAIN JAE KOIN? GHALEBE KHASTA KE BAGHER KON SE KAAM BAND HE ROIEA ZAR ZAR KIA KIJIA HE HE KOIN? (GHALIB) Share this post Link to post Share on other sites
FOREVER3FRIENDS 0 Posted March 18, 2009 dost ban kar bhii nahii.n saath nibhaanevaalaa dost ban kar bhii nahii.n saath nibhaanevaalaa vahii andaaz hai zaalim kaa zamaanevaalaa ab ise log samajhate hai.n giraftaar meraa saKht nadiim hai mujhe daam me.n laanevaalaa kyaa kahe.n kitane maraasim the hamaare is se vo jo ik shaKhs hai muu.Nh pher ke jaanevaalaa tere hote hue aa jaatii thii saarii duniyaa aaj tanhaa huu.N to ko_ii nahii.n aanevaalaa muntazir kis kaa huu.N TuuTii hu_ii dahaliiz pe mai.n kaun aayegaa yahaa.N kaun hai aanevaalaa mai.n ne dekhaa hai bahaaro.n me.n chaman ko jalate hai ko_ii Khvaab kii taabiir bataanevaalaa kyaa Khabar thii jo merii jaan me.n ghulaa hai itanaa hai vahii mujh ko sar-e-daar bhii laane vaalaa tum taqalluf ko bhii iKhalaas samajhate ho 'Faraz' dost hotaa nahii.n har haath milaanevaalaa AHMAD FARAZ Share this post Link to post Share on other sites
FOREVER3FRIENDS 0 Posted March 18, 2009 ...[Aik Derkhuaast]... zindagi ke jitne derwaaze hain, mujh per band hain dekhna, hadd e nazar se aage dekhna bhi jurm hai sochna, apne yaqeenon se nikal ker sochna bhi jurm hai aasmaan der aasmaan asraar ki partein ulat ker jhaankna bhi jurm hai kiun, bhi kehna jurm hai kaise, bhi kehna jurm hai saans leine ki aazadi muyasser hai mager zinda rehne keliye kuch aur bhi derkaar hai aur is " kuch aur bhi" ka tazkira bhi jurm hai zindagi ke naam per bus aik inaayat chaahiye mujhe in jaraayim ki ijaazat chaahiye mujhe in saare jaraayim ki ijaazat chaahiye (ahmad nadeem qasmi) Share this post Link to post Share on other sites
FOREVER3FRIENDS 0 Posted March 20, 2009 khuli aankh mein sapna jhaankta hai wo soya hai ke kuch kuch jaagta hai teri chahat ke bheege junglon mein mera tan, more ban kar naachta hai mujhe har kaifiyat mein kyun na samjhe wo mere sab hawale jaanta hai main uski dastaras mein hon, magar wo mujhe meri raza se maangta hai kisi ke dhyaan mein dooba hua dil bahane se mujhe bhi taalta hai sarak ko chore kar chalna parega ke mere ghar ka kaccha raasta ha parveen shakir Share this post Link to post Share on other sites
FOREVER3FRIENDS 0 Posted March 20, 2009 Aadatan Tumne Kar Diye Waade, Aadatan Hum Ne Aitbaar Kiya, Teri Raahon Mein Baarha Ruk Kar, Humne Apna Hi Intezaar Kiya, Ab Na Maangenge Zindagi Ya Rab, Ye Gunaah Humne Ek Baar Kiya... (Gulzar) Share this post Link to post Share on other sites
FOREVER3FRIENDS 0 Posted March 20, 2009 Chalo Na Bhatkein, Lafange Koocho Mein, Luchhi Galiyon Ke, Chowk Dekhein, Suna Hai Wo Log, Choos Kar Jinko Waqt Ne, Raaste Mein Phainka Tha, Sab Yahin Aake Bas Gaye Hain, Ye Chhilke Hai Zindagi Ke, Inka Ark Nikaalo, Ke Zeher Inka, Tumhare Jismon Mein, Zeher Palte Hain, Aur Jitane Wo Maar Dega, Chalo Na Bhatke, Lafange Koocho Mein... (Gulzar) Share this post Link to post Share on other sites
FOREVER3FRIENDS 0 Posted March 20, 2009 Maanta hun ki zindagi bhi tadpati hai, Par mohabbat to jeena sikhati hai, Zindagi mohabbat nahi ho sakti kabhi, Par mohabbat zindagi ban jaati hai. Zindagi ko to hum jab chahen, Maut ki oor khud le jaate hain, Par ek baar jo kar len ishq, Wo kahaan isko chod paate hain. Ye duniya kitni khudgarz hai, Ye mohabbat hume batati hai. Zindagi mohabbat nahi ho sakti kabhi, Par mohabbat zindagi ban jaati hai. Mohabbat ek jaanlewa aadat hai, Jisme hoti shikwa-shikayat hai, Par aashiqon k liye to, Yahi unka khuda aur yahi ibadat hai. Wo mohabbat hi to hai doost, Jo jeevan ko haseen banati hai. Zindagi mohabbat nahi ho sakti kabhi, Par mohabbat zindagi ban jaati hai. Mohabbat hi saathi aur tanhaai hai, Yahi hoti hansi aur yahi rulaai hai, Isi me hote kasme wade saare, Aur isi me hoti bewafai hai. Wo mohabbat hi hoti hai, Jab aankhon me koi samati hai. Zindagi mohabbat nahi ho sakti kabhi, Par mohabbat zindagi ban jaati hai. Mohabbat me sab majboor hote hain, Kabhi paas to kabhi door hote hain, Par job hi ho jaye samaa, Wo ishq ke nashe me choor hote hain. Jab yaaden zannat ban jaati hain, To wo mohabbat kehlati hai, Zindagi mohabbat nahi ho sakti kabhi, Par mohabbat zindagi ban jaati hai. Jab koi bediyon ko payal kar jaati hai, Har jhalak uski,kayal kar jati hai. Jab hota uska mehfil me aana, Uski har ada hume bas”ghayal”kar jati hai. Wo mohabbat ki daastan hai ki, Har saans me kisi ki khusboo aati hai, Zindagi mohabbat nahi ho sakti kabhi, Par mohabbat zindagi ban jaati hai. Maanta hun ki zindagi bhi tadpati hai, Par mohabbat to jeena sikhati hai, Zindagi mohabbat nahi ho sakti kabhi, Par mohabbat zindagi ban jaati hai. __________________ Share this post Link to post Share on other sites
FOREVER3FRIENDS 0 Posted March 21, 2009 Poochtay ho tu suno kaisay basar hoti hai raat khairaat k sadqay ki sahar hoti hai saans badhanay ko tu jena nahi kehtay yarab dil he dukhta hai na ab aasteen tar hoti hai jaisay jagi hoe aankhoun main chubhay kaanch k khawaab raat es tarha dewanoun ki basar hoti hai ghum he dushman hai mera ghum he ko dil dhoondhta hai eak lamhay ki judai bhe agar hoti hai eak markaz ki talaash ek bhatakti khushbo kabhi manzil kabhi tamheed-e-safar hoti hai (Meena Kumari) Share this post Link to post Share on other sites
FOREVER3FRIENDS 0 Posted March 21, 2009 nazar fareb-e-kazaa khaa ga_ii to kyaa hogaa hayaat maut se Takaraa ga_ii to kyaa hogaa na_ii sahar ke bahut log mu.ntazir hai.n magar na-ii sahar bhii kajalaa ga_ii to kyaa hogaa na rahanumaao.n kii majalis me.n le chalo mujhako mai.n be-adab huu.N ha.Nsii aa ga_ii to kyaa hogaa Gam-e-hayaat se beshaq hai Khudakushii aasaa.N magar jo maut bhii sharmaa ga_ii to kyaa hogaa shabaab-e-laalaa-o-gul ko pukaaranevaalo.n Khizaa.N-sirisht bahaar aa ga+ii to kya hogaa ye fikr kar ki is aasuudagii ke dhoke me.n terii Khudii ko bhii maut aa ga_ii to kyaa hogaa Khushii chinii hai to Gam kaa bhii aitamaad na kar jo ruuh Gam se bhii ukataa ga_ii to kyaa hogaa (EHSAN DANISH) Share this post Link to post Share on other sites
FOREVER3FRIENDS 0 Posted March 21, 2009 Na kisee key ankh ka noor houn na kisee kay dil ka qaraar houn Joe kisee kay kaam na aa sakay main vo aik musht-e-ghubar houn ...... Mera rung roop bigar gaya, mera yaar mujh say bichar gaya Joe chaman khazan say ujar gaya, main usee key fasal-e-bahaar houn ...... Pa'ay fateha, ko'ey a'ay kyun, ko'ey chaar phool charha'ay ky'oun Ko'ey Aa kay shama jala'ay, main vo bay kaseey ka mazaar houn ...... Main nahin houn naghma janfaza, mujhe soon kay ko'ey karay ga kya Main baray boroug key houn sadaa', main baray dukhee key pukaar houn (bahadur shah zafar) Share this post Link to post Share on other sites
FOREVER3FRIENDS 0 Posted March 21, 2009 aa ki vaabasta hain us husn ki yaadeN tujhse jisne is dil ko pariiKhaana banaa rakhaa thaa jiski ulfat meN bhula rakhii thii duniaa hamne dahar ko dahar ka afsaana banaa rakhaa thaa aashnaa haiN tere qadmoN se voh raheN jin par uskii mad’hosh javaani ne inaayat kii hai karvaaN guzre haiN jinse isii ra’anaaii ke jiskii in aankhoN ne be-suud ibaadat kii hai tujh se khelii haiN voh mahbuub havaayeN jin meN uske malbuus kii afsurda mahak baaqii hai tujh pe bhii barsaa hai us baam se mehtaab ka nuur jis meN biitii hu’ii raatoN ki kasak baaqii hai tuune dekhii hai voh peshaani, voh rukhsaar, voh hont zindgi jinke tasavvur meN luTaa di hamne tujh pe uThi haiN voh kho’ii kho’ii saahir aankheN tujh ko ma’aluum hai kyoN umr ganvaa dii hamne ham pe mushtarak haiN ehsaan Gham-e-ulfat ke itne ehsaan ki ginvaauuN to ginvaa na sakuuN hamne is ishq meN kya khoyaa hai kyaa siikhaa hai juz tere aur ko samjhaauN to samjhaa na sakuN ~Ahmad Faraz Share this post Link to post Share on other sites
FOREVER3FRIENDS 0 Posted March 21, 2009 aataa hai yaad mujhko guzraa huaa zamaanaa vo baaG kii bahaaren vo sab ka chah-chahaanaa aazaadiyaaN kahaaN vo ab apne ghoNsale kii apanii Khushii se aanaa apanii Khushii se jaanaa lagtii ho *** dil par, aataa hai yaad jis dam shabnam ke aaNsuuon par kaliyon kaa muskuraanaa vo pyaarii pyaarii surat, vo kaamiinii sii muurat aabaad jis ke dam se thaa meraa aashiyaanaa ALLAMA IQBAL(R.A) Share this post Link to post Share on other sites
FOREVER3FRIENDS 0 Posted March 23, 2009 IS TOR SAY CHAHA TUJHAY AKSAR JANAAN Mein nay is tor say chaha tujhay aksar janaan jesay mahtab ko bay ant samander chahay! jesay soraj ki kiran seep k dil mein utray jesay khooshboo ko hawa rang say hat ker chahay jesay pathar k kalejay say kiran pothti hai jesay ghunchay kheelay mausam say hina mangtay hein jesay khaaboon mein khiyaloon ki kama tootti hai jesay barish ki du'a aabla pa mangtay hein mera her khaab meray sach ki gawahi day ga wus'at-e-deed nay tujh say teri khahish ki hai meri sochoon mein kabhee daykh sarapa apna mein nay dunya say aalag teri paristish ki hai khahish-e-deed ka mausam kabhee dhundla jo huwa! nooch dali hein zamanoon ki naqabein mein nay teri palkoon per uterti ho'e subhoon k le'ay tor dali hein sitaroon ki tanabein mein nay mein nay chaha keh teray husn ki gulnar fiza meri ghazaloon ki qataroon say dehakti ja'ey mein nay chaha k meray fan k gulistaan ki bahar teri aankhoon k gulaboon say pehakti ja'ey tay tou ye tha k sajata rehay lafzoon k kanwal meray khamoosh khiyaloon mein takallum tera raqs kerta rehay bharta rehay khooshboo ka khumar meri khahish k jaziroon mein tabassum tera tou magar ajnabi mahool ki parwarda kiran! meri bhujti hu'ee ratoon ko sahar ker na saki teri sansoon mein masiha'ee thee lekin tou bhee charah-e-zakham-e-ghum-e-deedah-e-tar ker na saki tujh ko ehsas hi kab hai k kisi dard ka dagh aankh say dil mein utar ja'ey tou kia hota hai? tou keh semab tabiyat hai tujhay kia maloom mausam-e-hijr theher ja'ey tou kia hota hai? tou nay us moor peh tora hai ta'alluq keh jahan daykh sakta naheen ko'e bhee palat ker janaan! ab ye aalam hai keh aankheen jo khulein gi apni yaad aa'ey ga teri deed ka manzar janaan! mujh say mangay ga teray aahad-e-mohabat ka hisab teri hijran ka dehakta ho'a mehshar janaan! yon meray dil k barabar tera ghum aaya hai jesay sheshay k maqabil ko'e pathar janaan! jesay mahtab ko bay ant samander chahay mein nay is tor say chaha tujhay aksar janaan! (Mohsin Naqvi Share this post Link to post Share on other sites
FOREVER3FRIENDS 0 Posted March 31, 2009 charagh lay k terey shehar sey guzarna hai yeh tajarba bhi humain aik baar kerna hai main woh pahar hun jo cut raha hun pani sey yeh dil nahi hai merey aansuoun ka jharna hai merey aziz main utri nadi main kia utroon mujhay charhay huye derya ko paar kerna hai bohat jadeed hun lekin yeh mera wirsa hai usi qadeem gali sey mujhay guzarna hai tumhain khabar nahi suraj bhi aks hai mera tamam din ka mujhay intizam kerna hai woh aik shakhs k jis ko ghazal bhi kehtey hain usi k naam sey jeena, usi sey merna hai [bashir Badar] Share this post Link to post Share on other sites
FOREVER3FRIENDS 0 Posted March 31, 2009 zehar ka jaam bhi dain aap to peena hoga warna dastoor-e-wafa dehar main ruswa hoga shab ghanimat hai sitaaroun pe nazer rakh ke chalo subah ke saath ujjaloun ka andhairaa hoga zindagi tujh se mulaqaat nahi hai lekin koi kehta hai ke har haal main jeena hoga ek manoos si awaaz pe chalta hoon magar dil yeh kehta hai thair, phir koi dhooka hoga waqt qatil hai to rehne do mere saath ise yahi qatil mere zakhmoun ka masiha hoga jis main roshan na ho ahsaas-e-mohabbat ka chiraagh dil na kahiye use woh aqal ka sehraa hoga koi daawaa na kare apni wafadari ka shama jalti hai to parwana bhi jalta hoga hum se wabasta hai tareekh saleeboun ki RAIS hum jahan thairain , zamane ko thairna hoga[/b] [bashir Badar] Share this post Link to post Share on other sites
FOREVER3FRIENDS 0 Posted March 31, 2009 (edited) tujh se tere koochey se agar door hue hain deewane tere aur bhi mashoor hue hain tum apni jafaoun ki ise jeet na samjho hum ishq ke aadaab se majboor hue hain behtey hue ashkoun ko hiqarat se na dekho jab bhi sar-e-mishgaan yeh ruke toor hue hain chaho to humain aaj bhi suli pe chadha do kuch loog to har dour main mansoor hue hain har jashan-e-masarat pe nikal aye hain aansoo har gham se galey mil ke bhi masroor hue hain kaantoun ki murrawat ne kahin saath na chodha phooloun ki mulaqaat se ranjoor hue hain har sang-e-malamat se mulaqaat hui hai hum jab se tere shaher main mashoor hue hain lou shama-e-mohabbat ki RAIS aur badha do aiwan-e-wafa suntey hain be noor hue hain [bashir Badar] Edited March 31, 2009 by FOREVER3FRIENDS Share this post Link to post Share on other sites
FOREVER3FRIENDS 0 Posted March 31, 2009 ba.De shauq se meraa ghar jalaa koii aa.Nch na tujhape aayegii ye zubaa.N kisii ne Khariid lii ye qalam kisii kaa Gulaam hai mai.n ye maanataa huu.N mere diye terii aa.Ndhiyo.N ne bujhaa diye magar ik juganuu havaao.n me.n abhii raushanii kaa imaam hai [bashir Badar] Share this post Link to post Share on other sites
FOREVER3FRIENDS 0 Posted April 4, 2009 Bay nayaz-e-gham-e-paymaan-e- wafa hojaana tum bhi oroun ki tarah mujh say judaa hojaana main bhi palkoun pay saja loonga lahoo ki boondain tum bhi paabasta-e-zanjeer-e-hina hojana khalq ki sanzani meri khata'aoun ka silaa tum to masoom hou tum zara door hojaana ab meray waastey taryaaq hay ilhaad ka zehar tum kisi or pujaari k khuda hojana!! AHMED FARAZ Share this post Link to post Share on other sites
FOREVER3FRIENDS 0 Posted April 4, 2009 barason ke baad dekhaa ik shaKhs dil rubaa saa ab zahan mein nahin hai par naam thaa bhalaa saa abaruu khinche khinche se aankhein jhukii jhukii si baatein rukii rukii sii lahajaa thakaa thakaa saa alfaaz the ke jugnuu aavaaz ke safar mein ban jaaye jangaloon mein jis tarah raastaa saa Khvaaboon mein Khvaab us ke yaadoin mein yaad us kii niindoon mein ghul gayaa ho jaise ke rat jagaa saa pahale bhii log aaye kitane hii zindagii mein vo har tarah se lekin auroon se thaa judaa saa agalii muhabbatoon ne vo naa muraadiyaan dien taazaa rafaaqatoon se dil thaa Daraa Daraa saa kuchh ye ke muddatoon se ham bhii nahin thay roye kuchh zahar mein bujhaa thaa ahabaab kaa dilaasaa phir youn huaa ke saavan aankhoon mein aa base the phir youn huaa ke jaise dil bhii thaa aabalaa saa ab sach kahain to yaaro ham ko Khabar nahin thii ban jaayegaa qayaamat ik vaaqiaa zaraa saa tevar the berukhii ke andaaz dostii ke vo ajanabii thaa lekin lagataa thaa aashnaa saa ham dasht the ke dariyaa ham zahar the ke amrit naahaq thaa zoam ham ko jab vo nahin thaa pyaasaa ham ne bhii us ko dekhaa kal shaam ittefaaqan apanaa bhii haal hai ab logo Faraz kaa saa AHMED FARAZ Share this post Link to post Share on other sites
FOREVER3FRIENDS 0 Posted April 4, 2009 is se pahale ke bevafaa ho jaaye.n kyo.n na ai dost ham judaa ho jaaye.n tuu bhii hiire se ban gayaa patthar ham bhii kal kyaa se kyaa ho jaaye.n ham bhii majabuuriyo.n kaa uzr kare.n aur kahii.n aur mubtalaa ho jaaye.n ishq bhii khel hai nasiibo.n kaa Khaak ho jaaye.n kimiyaa ho jaaye.n ab ke gar tuu mile to ham tujh se aise lipaTe.n terii qabaa ho jaaye.n bandagii ham ne chho.D dii hai 'Faraz' kyaa kare.n log jab Khudaa ho jaaye.n AHMED FARAZ Share this post Link to post Share on other sites
FOREVER3FRIENDS 0 Posted April 10, 2009 Ab jo bichray hain to ehsaas hua hai hum ko Dard kya hota hai tanhai kisay kehtay hain Char su gunjti ruswai kisay kehtay hain Ab jo bichray hain to ehsaas hua hai hum ko Koi lamha ho teri yaad mai kho jatay hain Ab to khud ko bhe muyassar nahi aaa patay hain Raat ho din ho tere pyar mai hum behtay hain Dard kya hota hai tanhai kisay kehtay hain Ab jo bichray hain to ehsaas hua hai hum ko Woh jo ghum aye usay dil pay saha kertey thay aik saath hum mil ker raha kertey thay Ab akelay he zamanay ke sitam sehtay hain Dard kya hota hai tanhai kisay kehtay hain Ab Jo bichray to ehsaas hua hai hum ko Hum Nay khud apni raahon mai bichaye kantay Gher mai phoolon ke jagah la ker sajaye kantay Zakham iss dil mai basaye howe khud rehtay hain Yun toh duniya ki har cheez haseen hoti hai Pyar say maghar kuch bhe nahi hoti hai Rastah rok kay har aik say yehi kehtay hain Ab jo bichray hain toh ehsaas hua hai hum ko Dard kya hotah hai tanhai kisay kehtay hain Char so gunjti ruswai kisay kehtay hain Ab jo bichray to ehsaas hua hai hum ko Wasi Shah Share this post Link to post Share on other sites
