FOREVER3FRIENDS 0 Posted June 1, 2010 Ek rangeen jhijhak ek saada payaam kaise bhoolu’n kisi ka wo pehla salaam phool rukhsaar ke rasmasaane lage haath utha qadam dagmagaane lage rang sa khaal-o-khadd se chhalakne laga sar se rangeen aanchal dhalakne laga ajnabiyat nigaahein churaane lagi din dhadakne laga,lehar aane lagi saans mein ek gulaabi girah pad gaee honth tharraaye simte nazar gad gaee reh gaya umr bhar ke liye ye hijaab kyo’n na sambhla hua de saka main jawaab kyo’n main be-qasd be-azm be-vaasta doosri simt ghabra ke takne laga. Poet: Kaifi Azmi Share this post Link to post Share on other sites
FOREVER3FRIENDS 0 Posted June 1, 2010 Deewaar pe rakha hua maTTi ka diyaa main Sab kuch kaha aur raat se kuch bhi na kaha main Kuch aur bhi maskan thay tere dil k ilaawa Lagta hai kahin aur bhi mismaar hua main Iss dukh ko to mai THeek bata bhi nahin paata Main khud ko mayassar tha magar mil na saka main Jaaga hun magar khwaab ki wehshat nahin jaati Kya deikhta hun yaar tujhe bhool gaya main PalTa hun to yaadoN pe bohat gard paRi thi Shayad koi darwaaza kHula cHoR gaya main Sooraj k ufaq hote hain,manzil nahin hoti So Dhalta raha,jalta raha,chalta raha main Ik ishq qabeela meri maTTi mein cHupa tha Ik shakhs tha lekin koi ik shakhs na tha main Ik gHoonT ki vuqqat mere pindaar se kam hai Iss baat se waaqif mera mashkeeza hai ya main Ik jism mein rehte huay ham door bohat thay Aankhein na khuleeN mujh pe,na aankHoN pe khula main Kuch aur bhi darkaar tha sab kuch k ilaawa Kya ho ga jisay DhoonDta tha tairay siwaa main Saud Usmani Share this post Link to post Share on other sites
FOREVER3FRIENDS 0 Posted June 1, 2010 Woh dil ka bura, na bewafa tha Bus,mujh say yoonhi bicharr gaya tha Lafzoon ki hadoon say mawara tha Aab kis say kahoon woh shakhs kaha tha? Woh meree ghazal ka aaeina tha Her shakhs yeh baat janta tha Her simat ussi ka tazkara tha Her dil main woh jaisay bus raha tha Mein uss ki ana ka aasara tha Woh mujh say kabhi na roothta tha Mein dhoop k bun main jal raha tha Woh saya-abr ban gaya tha Mein banjh rutoon ka aashana tha Woh mosam-e-gul ka zaiqa tha Ek bar bicharr kay jab mila tha Woh mujh say lipatt kay ro pada tha Kia kuch na ussay kaha gaya tha? Uss nay to laboon ko see liya tha Woh chand ka hamsfer tha shayed Ratoon ko tamam jagta tha Hontoon main guloon ki naram khushboo Batoon main to shehad gholta tha Kehnay ko juda tha mujh say lekin Woh meree ragoon main gonjata tha Uss nay jo kaha, kiya woh dil nay Inkar ka kis main hosala tha Yoon dil main thi yaad uss ki jaisay Masjid main charragh jal raha tha Mat pooch hijab k qareenay Woh mujh say bhi kam hee khul saka tha Uss din mera dil bhi tha paresha'n Woh bhi meray dil say kuch khafa tha Mein bhi tha dara howa sa lekin Rang uss ka bhi kuch udda udda tha Ek khof sa hijar ki rutoon ka Dono pay muheet ho chala tha Ek rah say mein bhi tha gurezaa'n Ek mod pay woh bhi ruk gaya tha Ek pal main jhapak gaein jo aankhein Manzer he nazer main dosara tha Socha to theher gaey zamanay Dekha to woh door ja chuka tha Qadmoon say zamee'n sirak gaee thi Soraj ka bhi rang sanwala tha Chaltay howay log ruk gay thay Thehra howa sheher ghoomata tha Sehmay howay paid kanpatay thay Patoon main heeras reengata tha Rakhta tha mein jis main khawab apnay Woh kanch ka ghar chatakh gaya tha Hum donoo ka dukh tha aik jaisa Ehsas mager juda juda tha Kal shab woh mila tha dostoo'n ko Kehtay hain uddas lag raha tha Mohsan yeh ghazal hee keh rahi hai Shayed tera dil dukh howa tha Mohsin Naqvi Share this post Link to post Share on other sites
FOREVER3FRIENDS 0 Posted July 5, 2010 Ahmad Faraz ke last Ghzal... Gham-e-Hayat Ka Jhagra Mita Raha Hy Koi Chale Aao K Duniya Se Ja Raha Hy Koi Azal Se Keh Do K Ruk Jaaye 2 Ghari Suna Hai Aane Ka Waada Nibha Raha Hy Koi Wo Iss Naz Sy Bethe Hain Laash K Pass Jesy Roothe Howe Ko Mana Raha Hy Koi Palat Kar Na Aa Jy Phir Saans Nabbzon Mein Itne Haseen Haathoon Sy Mayyat Saja Raha Hy Koi Share this post Link to post Share on other sites
FOREVER3FRIENDS 0 Posted July 5, 2010 kal chaudhwin ki rat thi shab bhar raha charcha tera kuch ne kaha ye chand hai kuch ne kaha chehra tera ham bhi wahin maujud the ham se bhi sab pucha kiye ham hans diye ham chup rahe manzur tha parda tera is sheahr mein kis se milen ham se to chuti mahfilen har shakhs tera nam le har shakhs diwana tera kuche ko tere chor kar jogi hi ban jayen magar jangal tere parbat tere basti teri sahra tera ham aur rasm-e-bandagi ashuftagi uftadagi ehsan hai kya kya tera ai husn-e-beparwa tera do ashk jane kis liye palkon pe a kar tik gaye altaf ki barish teri ikram ka darya tera ai bedarg-o-beaman ham ne kabhi ki hai fugan ham ko teri wahshat sahi ham ko sahi sauda tera tu bewafa tu mahraban ham aur tujh se bad-guman ham ne to pucha tha zara ye waqt kyun thehra tera ham par ye sakhti ki nazar ham hain faqir-e-rahguzar rasta kabhi roka tera daman kabhi thama tera han han teri surat hasin lekin tu aisa bhi nahin is shakhs k ashar se shohra hua kya kya tera beshak usi ka dosh hai kahta nahin khamosh hai tu ap kar aisi dawa bimar ho acha tera bedard sunani ho to chal kahta hai kya achhi gazal ashiq tera ruswa tera shayar tera "Insha" tera [ibn-e-insha] Share this post Link to post Share on other sites
FOREVER3FRIENDS 0 Posted July 5, 2010 ata hai yad mujhko guzara hua zamana wo bag ki baharen wo sab ka chah-chahana azadiyan kahan wo ab apne ghonsale ki apni khushi se ana apni khushi se jana lagti ho *** dil par, ata hai yad jis dam shabnam k anson par kaliyon ka muskurana wo pyari pyari surat, wo kamini si murat abad jis k dam se tha mera ashiyana Allama Iqbal Share this post Link to post Share on other sites
Wise_Guy 44 Posted July 6, 2010 Ist Of All Welcome Back Faraz Ki Last Ghazal Is Awesome Keep Sharing More & More Share this post Link to post Share on other sites
FOREVER3FRIENDS 0 Posted July 6, 2010 Ist Of All Welcome Back Faraz Ki Last Ghazal Is Awesome Keep Sharing More & More Share this post Link to post Share on other sites
kamal 82 Posted July 6, 2010 bohat khoob nice collection Share this post Link to post Share on other sites
FOREVER3FRIENDS 0 Posted July 9, 2010 bohat khoob nice collection Share this post Link to post Share on other sites
FOREVER3FRIENDS 0 Posted July 9, 2010 (edited) نیلا میرا وجود گھڑی بھر میں کرگیا نیلا میرا وجود گھڑی بھر میں کرگیا وہ زہر کی طرح مرے دل میں اتر گیا پلکیں لرز کے رہ گئیں اور دیپ بجھہ گئے الزام اب کے بار بھی آندھی کے سر گیا اب کس لئے سنبھال کے رکھوں بصارتیں آنکھوں سے خواب چھین کے جب چارہ گر گیا اس سے بچھڑ کے دل کا ہوا ہے عجیب حال پانے کی آرزو گئی، کھونے کا ڈر گیا جب موسموں نے پھر سے بغاوت کی ٹھان لی ٹہنی پہ پھول کھلنے سے پہلے بکھر گیا بہتر ہے خود رفو گری سیکھوں کہ آج تو گھاؤ کھلے ہی چھوڑ کے وہ چارہ گر گیا اس پر یقیں بحال ہوا تو وہ ایک دم اقرار کے مقام پہ آ کر مکر گیا آنکھوں سے نیند، دل سے سکوں ہوگیا جدا لگتا ہے اپنے ساتھ کوئی ہاتھہ کرگیا سورج نے ساتھہ چھوڑا تو دیکھا پلٹ کے تب سوچا، جو ساتھہ چلتا تھا سایہ کدھر گیا فاخرہ بتول Edited July 9, 2010 by FOREVER3FRIENDS Share this post Link to post Share on other sites
shahabi 23 Posted July 9, 2010 very nice collections keep it up Share this post Link to post Share on other sites
Wise_Guy 44 Posted July 10, 2010 پلکیں لرز کے رہ گئیں اور دیپ بجھہ گئے الزام اب کے بار بھی آندھی کے سر گیا اب کس لئے سنبھال کے رکھوں بصارتیں آنکھوں سے خواب چھین کے جب چارہ گر گیا اس سے بچھڑ کے دل کا ہوا ہے عجیب حال پانے کی آرزو گئی، کھونے کا ڈر گیا اس پر یقیں بحال ہوا تو وہ ایک دم اقرار کے مقام پہ آ کر مکر گیا سورج نے ساتھہ چھوڑا تو دیکھا پلٹ کے تب سوچا، جو ساتھہ چلتا تھا سایہ کدھر گیا فاخرہ بتول Awesome Choice Share this post Link to post Share on other sites
