Dars-e-hadis

[Shahwarkhan 0]

Asslam-o-Alikum to all!!!!!!!

Hazrat Huzefa (RA) kehtay hein kay Rasool (SAW) nay Irshaad fermaya:

"Tum log doosron ki taqleed aur pearvi kernay valey na bun-o (yani) yon na socho kay log humarey saath acha salook karein gay to hum bhi inn kay sath acha salook karein gay aur agr log hum per zulm karein gay to hum bhi inn per zulm karein gay. ,,,,,nahein!!! balkay apney aap ko iss baat per jamao keh log acha salook karein to tum inn kay saath acha salook karo. Aur agr beraber bertao karein to tum inn kay saath koi ziyadti na karo."

(Tirmizi)

[**LaLa_1** 0]

Nabi Akram (SAW) ne fermaya k “ qasam hai oos ZAAT-E-PAK kee jis k qabzay main meri jaan hai ,dunya khatam nahi hogi jub tak k logon per aisa din na aajaye jis main qaatil ko ye maloom nahi hoga k main ne maqtool ko kion qatal kiya aur na he maqtool ko ye baat maloom hogi k mujhe kion qatal kia gaya…..poocha gaya k aisa kion hoga?..fermaya, qatl-e- aam kee wajah sey qaatil aur maqtool dono jahannum main jayengey…â€(Muslim)

TASHREEH

Nabi Kareem (SAW) k is irshaad k mutabiq , qiamat sey pehle aisa waqt zaroor aayega k log mamooli mamooli shukook kee bina per logon ka na haq khoon bahaengey……bal k agar ghor kiya jaye aur dunya k haallaaat per nazar dali jaye tou maloom hoga k aisa waqt aachuka hai!!!

Is qatl-e- aaam ka sabab jahalat aur fasaad-e-aam kee tarikee hogi jis sey poora maahol mutasir hoga aur acchey burey kee tameez khatam hojayegee……….is Hadis k aakhir main ziker kiya gaya k qaatil aur maqtool dono Dozakh main jayengey…bazahir maqtool tou mazloom hai aur qaatil zaalim magar Ulama-e-Karam fermatey hain k is kee wajah ye hogi k dono he ek dosrey ko qatal kerna chahengey magar maqtool ka bas nahi chaleyga aur khood war kerney sey pehle khood qaatil k war ka shikaar hogaya…..dono he kee niyat qatal ki thee ,,,isi liye apni niyaton kee wajah sey dono he dozakh main jayengey………………ALLAH PAK is fitney sey humari hifazat fermaye …..AAMEEN

[Shahwarkhan 0]

Abu Sharih Khizai (RA) fermatay hein keh aik din Rasool (SAW) humarey pass tashreef la-ey to Aap (SAW) nay fermaya;

"Kia tum iss baat ki gavahi nahi detay keh Allah kay siva koi Mabood nahi aur ye keh mein Allah ka Rasool (SAW) hoon ? ",,,,,,,,log-on nay javab diya "Haan hum log inn donon baton ki shahadat detay hein.",,,,,,,,iss kay baad Aap (SAW) nay fermaya,,,,,,,"Iss Quran ka aik sira to Allah kay haath mein hay aur iss ka doosra sira tumharey haath mein hay pus Quran ko mazbooti say thaa-mo to tum seedhi rah say kabhi nahi bhatko gay aur na iss kay baad halaqat say dou-chaar ho gay".

[Shahwarkhan 0]

Hazrat Abu Imama (RA) kehtay hein keh Allah kay Rasool (SAW) nay fermaya keh :

"(Aik waqat aisa aa-ey ga) keh Islam kay sheerazey aik aik ker kay bikherna shooroh hon-gay. To jub koi sheeraza bikhray ga to bajaey iss ko joar-nay kay baqya sheerazon per log qana-et ker lein-gay,,,,,,,,,to sub say pehlay jo sheeraza bikhray ga Hakoomat-e-Aadla (Khilaft-e-Rashda, Hakoomat-e-Ilehya) ka sheeraza ho ga ,,,aur aakhri bikhernay wala sheeraza namaaz ho gi."

(Ibn-e-Hubaan)

Tashreeh:

Matlab ye keh Deen ki bunyaad-ein aik aik ker kay tad-reej kay saath khatam hoti jaaein-gi . sab say pehlay Islaam ka siyasi iqtidaar khatam ho ga phir zawaal ki raftaar berhti hi jaaey gi aur aakhri keri bhi iss zenjeer ki toot jaey gi. Log Namaaz perhni Choar dein-gay, Umat ki akseer-i-yet Namaaz ki taarik ho jaaey gi aur ye Zawaal ka aakhri nukta ho ga.

[**LaLa_1** 0]

SHiddab Ibn-e-Os (RA) sey riwayat hai k RasoolAllah (SAW) ne fermaya k : Hoshyaar aur tawana wo hai jo apnay Nafs ko Qaaboo main rakhey, aur mout k baad k liye ( yani Akhirat kee nijaat aur kaamyabi k liye) amal karey, aur Nadan aur kamzor wo hai jo apnay ko apni khoowahishaat-e-Nafs ka tabey ker dey ( aur bajaye Ahkaam-e- Ilahi k apnay nafs k taqazon per chaley) aur Allah sey umeedein baandhey......

( Tirimzi wo Ibn-e-Maja)

TASHREEH

To Be Continued

[Shahwarkhan 0]

Asslam-O-Alikum to all Readers!!!!!!!!!

Hazrat abu hurera (RA) kehtay hein keh Rasool (SAW) nay fermaya "Tum log mujh say Deen ki batein poocho",,,lekinlogon kay under adab-o-taazeem ki vaja say iss derjay haibat beath gai thi kay aa, toar per poochtay nahi they (Aur her aik kay under ye khwaish hoti keh bahir say koi poochney wala aa-ey aur poochey ta keh vo bhi Aap (SAW) kay irshadaat say mustafeed hoon)............"Chunachey aik aadmi aaya,,vo Nabi Kareem (SAW) kay bilkul kareeb beath gaya aur poocha aey Allah kay RASOOL (SAW) Islaam kia hay?

Aap (SAW) nay fermaya "Kisi ko Khuda ka Shareek na banana,,,Namaaz qaa-im kerna,,,,maal khuda ki rah mein kherch kerna aur Ramazan kay Roazey rukhna ".

Aap (SAW) ka ye javab soan ker kay iss nay kaha Aap (SAW) nay theek bataya",,,,,Phir iss nay poocha "Aey Allah kay RASOOL (SAW) Imaan kia hay?"

Aap (SAW) nay fermaya "ALLAH ko aik maan-na ,,,,,,Malaika ko maan-na,,,,,iss ki Kitab ko maan-na,,,,,,,iss kay Rasool-on ko maan-na,,,,,,mernay kay baad jee uthney per Imaan lana aur iss baat per Imaan lana keh jo kuch iss dunya mein hota hay Khuda ki mashiyet aur iss kay Faisley kay tehat hota hay."

Iss nay kaha " Aap (SAW) nay such fermaya " aur Aap (SAW) say teesri baat poochi keh "Ehsaan kia hay ?"

Aap (SAW) nay fermaya ; "Ehsaan ye hay keh tum ALLAH say iss terhaan dero keh goya tum issey dekh rahey ho.Iss liye keh agr tum ussey nahein dekh rahey to vo tumhay dekh raha hay."

Iss nay kaha " Aap (SAW) nay such fermaya " phir poocha keh Qiyamat kab aaey gi?

Aap (SAW) nay fermaya "Jis terhaan tum iss say na-waqif ho issi terhaan mein bhi iss kay aaney kay muqer-er-a waqat say na-waqif honn. Ul-batta mein tumhay iss kay aaney ki alamatein bata sakta hoon."

"Jab tum dekho keh Aurat apney maalik ki maa bun gai hay to samjh-lo keh Qiyamat kareeb hay aur ye iss ki alamat hay.,,,,,,,,,,aur jab dekho nangey pay-er chalney waloon ko, nangey jism rukhney waloon ko jo behray aur goon-gay hein inn kay haath mein Zameen ka iqtidaar aa gaya hayto ye bhi qiyamat ki alamatoon mein say hay.,,,,,,aur jab tum mavesh-yoon kay chervahon ko dekho keh vo baland amaratein bun-va-nay mein aik doosrey kay muqablay ker rahey hoon to ye qiyamat ki alamat mein say hay."

Tashreeh:

Imaan kay lughvi maa-ini yaqeen aur aetamaad kay hein.aur Islaam kay maa-ini apney app ko khuda kay havaley ker deney kay hein.Aur ehsaan kay maa-ini kisi kaam ko umd-gi aur saleekay say kernay kay hein.Teesrey savaal ka munsha ye hay keh koi aadmi ALLAH ka behter banda aur mutaqi bunda kis terhaan ban sakta hay.Iss ka javab Hazoor (SAW) nay diya keh husn-e-amal aur husn-e-niyat ki dou-lat nahi mil sakti magar iss soorat mein keh aadmi per her waqat ye tasavur chaya rahey keh goya vo khuda ko dekh raha hay,,,khuda kay saamney mojood hay,,,,ya phir ye sumjhey keh Khuda baher-haal ussey dekh raha hay.Khulasa ye keh ya to apney aap ko khuda kay saamney haazir jaaney ya Khuda ko apney pass mojood honay ka yaqeen hasil ho.Iss kay baghair kissi naek kaam mein husan nahein peda ho sakta.

,,,,,,,,,,,,,,,,,It is continued,,,,,,,till next time!!!!!!!!!!

[**LaLa_1** 0]

Here I Continue................

TASHREEH

RasoolAllah (SAW) ne is Hadis main bataya hai k choonkey asal zindagi ye chand roza zindagi nahi hai bal k aakhirat kee na khatam honay wali zindagi he asal zindagi hai, aur is dunya main kaamyabi oosee k liye hai jo is dunya main Allah kee ataat aur bandagi wali zindagi guzaar dein......is liye derhaqeeqat daanishmant aur kaamyaab Allah k wo bandey hain jo aakhirat kee tayyari main lagey hoowey hain aur jinho ne is nafs per qaaboo paa ker is ko Allah ka fermaanberdaar bana rakha hai ............aur is k beraks jin Ahmaqon ka haal ye hai k oonhon ne apnay nafs ko nafs ka banda bana liya hai, aur wo is duneewi zindagi main Allah k ahkaam aur awaamir kee pabandi k bajaye apnay nafs k taqazon per chaltey hain, aur is k bawajood Allah sey acchay anjaam kee umeed baandhtey hain wo yaqeenan barey naadaan aur hamesha naakaaam honay waley hai......chahey wo dunya kamanay main kitnay he chalaak aur phoorteeley hon lekin derhaqeeqat wo barey kam-aqal aur naakam aur namurad hain, k jo haqeeqi aur na khatam honay wali zindagi aanay wali hai is kee tayyari sey ghaafil hain........ aur nafs parasti kee zinsagi guzaarney k bawajood ALLAH sey Khuda parasti waley anjaam kee umeed rakhtey hain ...................aur jab Allah ka koi banda inhein Nafs parasti kee zindagi sey rokta hai tou kehtey hain k Allah barey Ghafoor ur Rahim hain, oos kee Rehmat bohot bari hai , hum tou sub kuch karengey , Allah humain maaf fermaadey ga.....yani itni nafermanion k bawajood wo ALLAH sey is baat kee umeed rakhtey hain k Allah oonhein maaf fermadengey...... tou is Hadis sey maloom hoowa k aisey log dhokey main hain, aur in ka anjaam nakaami hai......kion k jo Umeed beyamli aur badamli aur aakhirat kee taraf sey beyfikree k saath ho......... ALLAH PAK HUM SUB KO IN AHADIS KEE SAHI SAMAJH NASIB FERMAYE AUR AMAL KEE TOFIQ ATA FERMAYE......

Edited August 19, 2004 by **LaLa_1**

[Shahwarkhan 0]

CONTINUE

Aurat kay apney maalik ki vaalida honey ka matlab humari samajh mein aata hay keh aurat apney shoher ki na-fermaan bun jaey,,,khadma apney mukhdoom per beraai jataney lagey,,,,be-tay apney baap kay ser cherh jaein aur her chota apney barey ki izat-o-ehtraam say aari ho jaey,,,,,,,ye aik alamat hoi,,,doosri alamat ye keh tehzeeb-o-shaistigi say mehroom aur aqal -o-fiqr say aari logon kay haath mein zameen ka Iqtidaar aa jaey...aur teesri alamat ye keh pust zehani-et kay ghareeb logon kay yahan doulat ki kasrat ho jaey aur doulat ki ye kasrat ounchi aur shaandar amaratoon kay bananey aur doosron say iss mein fouqi-yet lay janey mein serf ho,,,,,,,jub ye alamatein pai jaein to samjho keh qiyamat qareeb hay,,,,raha waqat ka ta-i-yoon to khuda kay siva koi nahi jaanta.

,,,,,,,,,Waisey to lala nay continue kia hay lekin mein nay bhi uss ko complete ker diya hay,,,,,,,,

May allah help us in understanding Islam and may become able to follow!!!!!

(Aameen)

[**LaLa_1** 0]

Hazrat Abbu Huraira (RA) sey riwayat hai k Nabi Akram(SAW) ne fermaya k: “ Tum Jannat main nahi jasaktey jab tak k tum Sahib-e- Eeman na ho jao aur tum poorey Momin oos waqt tak nahi hosaktey jub tak k tum main bahmi mohobbat na ho, kiya main tum ko aisee baat na batla doon, agar oos per amal kerney lago, tou tum main baahmi mohobbat peda hojaye, wo baat ye hai k tum apnay dermiyaan SALAM ka rewaj pehlao, aur oos ko aam karo.â€

(Muslim)

TASHREEH

Bandey k eemaan kee takmeel k liye zaroori hai k is ko Allah aur Rasool (SAW) sey aur oon k Deen k saath tamam cheezon sey ziadah mohobbat ho, aur in k siwa jis sey bhee mohobbat ho , Allah aur Rasool(SAW) k taluq sey aur in he k wastey sey ho, aur ye k bandey ka dil khood gherzi sey bilkul paak ho, aur is ka haal ye ho k jo apnay liye chahey wahee Allah k doosrey bando k liye chahay, aur jis cheez ko apnay liye pasand karey oos ko doosro k liye bhee pasand karey…………ab is Hadis sey maloom hoowa k Eeeman ka dawa kerney wali kisi qom aur kisi fard main k Eemaan k takmeel k liye bhee zaroori hai k oon main bahmi mohobbat ho…………agar oon k dil ek doosrey kee mohobbat sey khali hain tou samajhna chahiye k wo haqeeqat main Eeeman kee barkaat sey beynasib hai………………aur aapas main mohobbat paida kerne ka Nabi Karim(SAW) ne nuskha bhee bataya k aapas main mohobbat Salam ka raiwaaj phelanay sey berhti hai……………… aaj poori dunya main musalmaan pareyshaan haal hain, oos kee wajah he ye hai k oon k dilo sey Allah ka Khof aur oos kee mohobbat nikal gayee, aur oos mohobbat aur khof k na honay kee wajah sey aapas main bhee mohobbatein aut ittifaaq na raha………. Isi wajah sey sari dunya main musalmaan maar kha rahay hain aur ghair muslimeen k haatho yerghamaal banay hoowey hain…………………..

ALLAH RABBUL IZZAT HUMAIN AAPAS MAIN MOHOBBAT AUR ITTIFAQ NASEEB FERMAYE………….. TAA K HUM JO AJ SARI DUNYA MAIN GHAIR MUSLIMO K HAATHON YERGHAMAAL BANAY HOOWEY HAIN , YE YERGHAMALI KHATAM HO JAYE………… AUR HUMAREY DILON MAIN ALLAH AUR RASOOL (SAW) KEE MOHOBBAT KO DAAL DEY…………….. AAMEEN…………………….

[**LaLa_1** 0]

ASSALAMOALIKUM !!!!

Aaj main ne Shahwar Khan sey guzaarish kee thee k wo daily yahan post na karey , aur main ne bhee ab decide kiya hai k daily ab yahan post na karoon...........oos kee wajah ye hai k Logon ne pehli wali Hadis Sahi Tarah perhi nahi hotee aur hum doosri post ker detey hain........So It will be better k atleast 20 peoples oos post ko perhein tou oos k baad hum koi post karein ..........Taa k maqsaq haasil ho jaye....aur maqsad humara ye hai k Kisi kee Islaah hojaye......Posts ka berhana hergiz maqsood nahi hai......................doosri wajah ye hai k main ab 1st september sey busy hojaaoonga studies main tou may be k main yahan kam kam aaoon...............So People dont think that we have stopped this topic..................We will continue it Jab tak ALLAH ne CHaahaa..............ALLAH PAK hum sub ko In AHAADIS kee sahi samajh ata fermaye aur humain in per amal kee tofiq ata fermaye ........AAMEEN.........ALLAH HAFIZ .................Duaon ka Talib ........Farhan LaLa

[Shahwarkhan 0]

Asslam-O-Alikum!!!!!!!!!

SHOROO ALLAH KAY NAAM SAY JO BOHAT MEHERBAAN,,NEHA-YAT REHAM WALA HAY

Hazrat Abu Hurera (RA) kehtay hein,,,,Rasool (SAW) nay irshaad fermaya:

"Marey RUB nay mujhey no (9) baton ka hukam diya hay.

1. Khuley aur Chupey ,,,,her haal mein KHUDA say daroon.

2. Kisi per meherbaan hoon ya kisi kay khilaaf Ghussey mein dono halton mein INSAAF hi ki baat karoon.

3. Raasti-O-Aetadaal per qaa-im rahoon chahey ameer ho ya faqeer.

4. Jo mujh say k-tay mein uss say jur-oon

5. Jo mujhey mehroom karey meinussey doon.

6. Jo mujh say ziyadti karey mein ussey mu-aaf ker doon.

7. Meri khamoshi Ghoar-O-Fiqr ki khamoshi ho.

8. Meri Nigah ibrat ki nigah ho.

9. Meri guf-tu-gu ZIKER-E-ILAHI ki guf-tu-gu ho.

Iss kay baad Aap (SAW) nay fermaya keh ;

"Neki ka hukam doon aur buddi say rokoon".

(MUSHKAAT)

May Allah help us in understanding and in following these Golden rules of day to day conducts with people.

[**LaLa_1** 0]

Uqba Bin Aamir (RA) sey riwayat hai k RasoolAllah (SAW) ne fermaya : “ Jub tum kisi ko dekho k ALLAH TALA kisi bandey ko oos kee naafermani aur serkashi k bawajood dunya kee wo neimatien ( Maal-o-dolat aur Raahat aur izzat wagehra) dey raha hai , jin ka wo banda taalib hai, tou samajh lo k wo oos k haq main Istidraaj hai ……ye fermaanay k baad RasoolAllah (SAW) ne Quran Majeed kee ye aayat tilawat fermayi , jis ka terjuma ye hai k :

“ Jub oonhon neb hula diya oon baton kojin kee oonhein nasihat kee gayi thee, tou hum ne khol diye oon per dunya kee sub naimaton k derwaazey, yahan tak k jub wo in naimaton k milney per khoob mast hoowey, aur itraye , tou hum ne ek dam oon ko apni sakht pakar main ley liya …….pas wo hairaan aur aaindah k liye bilkul na ummeed ho ker reh gayeâ€

TASHREEH

___________________________________________________________________

ISTIDRAAJ , dheel dey ker pakarney ko kehtey hain……………..is dunya main Allah Tala k jo qawaneen chal rahay hain jin k mutaabiq afraad ya aqwaam k saath Allah Tala jo maamla fermata hai oon main sey ek Istidraaj bhee hai, jis ka matlab ye hai k jub Allah Tala ka koi baaghi aur mujrim banda serkashi main had sey berh jata hai , aur aakhirat aur Allah k ahkaamaat sey bilkul bey perwaah ho ker zindagi guzaarney lagta hai…….tou Allah Tala oos sey sakht naaraz ho ker kabhi kabhi aisa bhee fermata hai k oos kee rassi daraaz ker dee jati hai aur kuch muddat tak k liye oos per naimaton k derwaazey khol diye jaatey hain..taa k wo aur ziadah itminaan aur sermasti k saathis Khuda faramoshi aur serkashi main aagey berhta rahay, aur phir baree sey baree saza paye………………………..Taarikh k auraaq per agar nazar daali jaye tou maloom hoga k jin jin aqwaam aur afraad ko Allah ne zawal diya oonhein Allah Pak ne pehle urooj kee manzilein ata fermayeen……………..Firon, Qaaroon, Shiddad, Namrood, aur aqwaam main Shoaib ( A S ) kee qom, Qom-e-Aad, Qom-e-Samood,……….in sub ko Allah ne apni naimaton sey serfaraz kiya……….lekin jub ye log nafermani aur serkashi main had sey berh gaye tou Allah Tala ne ek dam oonhein apni paker main liya ………aur apni rassi ko kheecnh ker oon per azaab naazil fermaye…………isi tarah agar mojooda haalaat per nazar daali jaye tou Roos jaisee super power ka hasher humarey saamney hai k Allah ne oos ko pehle urrooj diya , lekin jub wo log serkashi main had sey guzernay lagey tou Allah neo on ko tahas nahas ker k berbaad ker diya……………………..yahee haal inshaAllah America ka bhee honay wala hai…………k Allah ne oon ko abhee urooj diya hoowa hai , aur wok am aqal log is baat ko nahi samajh rahay k Allah Tala ek dam oon kee rassi ko kheenchney wala hai…………………………..

Tou Malloom hoowa k ye Allah ka nizaam hai k jub Allah kisi qom kee paker kerna chahtey hain , oosey zawal dena chahtey hain , tou pehle oosey urooj naseeb kertey hain…………..jaisa k pichlee qomon k saath Allah ne kiya……………………………………..

[Shahwarkhan 0]

Asslam-O-alikum to all !!!!!!!!

Well lala nay kaha tha kay ab hum posts gape dein-gay aur aaj mein jub post kay liyein aai ,,,,,,to pata chala lala ki post aaj ki date mein submit ho chuki hay,,,,,lekin meri post bhi choti hay iss liyein post ker rahi hoon.

Hazrat Addi Bin Hatim (RA) kehtay hein ,,mein nay Rasool (SAW) ko ye Irshaad fermatay suna hay keh:

"Tum mein say her shaks say iss terhaan muhaasbah ho ga keh khuda aur bun-dey kay dermiyaan koi waqalat aur terjumaani kernay wala nahi hoga.....vo apney da-ein taraf dekhey ga to iss kay amal kay siva koi aur nazer na aaey ga ,,,phir ba-ein taraf dekhey gato idher bhi sivaey apney amaal kay kissi aur ko na paey ga...Phir vo saamney nazer daley ga to jaha-num ko apney samney paey ga.

(Jub ye haqeeqat hay ) to aey logon aag say buchney ki fiqr kia karo agr aik khajoor ka adha hissa hi tumharey paas ho issey de ker aag say bacho".

(MUSLIM BUKHARI).

[Ibadat 2]

Assalamualikum

u booth r gogin MASHALLAH MASHALLAH very very well..

keep posting... plizz

koi nahi lekin ill INSHALLAH keep coming in this topic..

MAy Allah Gave u the Reward of it..Ameen

wasalam

[**LaLa_1** 0]

Nice to see you here Ibadaat.................Humari pehli koshish tou apni Islaah kee hai ...Lekin agar koi in Ahadis ko perh ker Raah-e-Raast per aajaye tou shayad oos kee wajah sey Allah Tala Humari maghfirat bhee fermaadein............ bas yahee soch ker yahan Dars-e-Hadis kee ek adna see koshish kee hai........ aap Log Yahan aatey hain tou yaqeen karein bohot ziadah khooshi hoti hai..... bas aap log Allah sey humari maghfirat aur Hidayat kee dua ker diya karein, kion k Allah Pak k Khazano main sub sey baree doulat Hidayat hai , tou jis ko Hidayat nasseeb hojaye, samjho oosey sub kuch mil gaya aur jisey Hidayat na miley tou oosey kuch nahi milta chahaey oosey Dunya kee sari Baadshahat mil jaye.................... ALLAH PAK hum sub per apna Fazal fermaye ..........AAMEEN

[Ibadat 2]

HADEES:

Hazrat Anas RaziAllahtalaanhu kehte hain ke Rasool Sallallahu alehe wasalam ne irshad farmaya 3 cheezain jis shaksh main hoon , usse eman ki hilawat naseeb ho gi ye ke ALLAH or us ka Rasool usse her cheez se ziyada mehboob hoo, or ye ke usse jis se bhi muhabbat hu ALLAH hi ke liye muhabbat hu, or ye ke kufar ki taraf palatna utna hi nagawar hu jitni nagawar usse ye baat hai ke u ko aag main jhonk dia jaye.

TASHREEH:

EMAN kalb wa roh ki aik lazzat or mithas hai , ye matta be baha ussi khush naseeb bande ke hisse main aata hai jis main 3 khubiyan pai jain ye jo 3 kubiyan apne ander peeda karne ke liye peeham sai wa koshish kare . ye ke ALLAH wa Rasool Sallallahu alehe wasalam ki muhabbat duniya ki her cheez se ziyada or her cheez par havi ho.

QURAN main hai:

"EMAN wale ALLAH se shadeed muhabbat rakhte hain" (albakra 165)

doosri jaga irshad hai:

"ye Nabi (s) mominoon ke liye un ki janoo se bharh kar hain" (alehzab 6)

doosri baat ye ke us ke siwa jis se bhi muhabbat hu ALLAH hi ke liye hu yani ALLAH ki muhabbat kalb wa roh par us tarah havi hu. ke har doosri muhabbat usi ke tehat hu or ALLAH hi ke liye hu.

teesri baat ye ke EMAN se kufar ki taraf jana us ko esa hi nagawar hu jeesa ke aag main jhonka jana yani ALLAH ki muhabbat or us se talluk is kadar shaded or shaoori hu ke us se inkar or kufar admi ke liye ussi tarah nagawar or nakabile tassawur ban jaye jis tarah aag main dala jana mehsoos toor par admi ke liye nagawar or nakabile tassawor hai.

[Ibadat 2]

Assalamualikum

ye meri aik chooti se koshish thi ...

hope ill be pass ...

and ALLAH hum sab hi ki magfirat farmaye.. Ameen... Suma Ameen..

wasalam

[Shahwarkhan 0]

Shoro Allah Kay Naam Say Jo Bohat Meherbaan,Nehayat Reham Wala Hay.

Asslam-O-Alaikum!!!!!

I hope u will find this mail in ur best of Health.

Ibadat !!!!!!Me and Lala welcome u here .We only submit here these hadees with a faith that may Allah accept our these efforts and may bless ous and the readers toward the Light of Islam.

Aameen!!!!!!! but it is really nice to get ur response. JazakAllah.. :)

Hazrat Uns Ibn-e-Maalik (RA) fermatay hein ke Rasool (SAW) nay irshaad fermaya:

“Sab say pehlay jo cheez Deen mein Allah Tala nay ferz kivo Namaaz hay,,,aur sab say aakhri cheez Namaaz hay.Qiyamat ke din sab say pehlay Namaaz say mut-a-liq hisaab liya jaey ga. Aur Allah fermaey ga,,,marey iss bundey ki Namaaz ko dekho agr vo Mukamil hay to mukamil likhi jaey gi,,,Aur agr iss Namaaz mein koi Nuqs reh gaya hay to Allah fermaey ga dekho iss bunday nay kuch NAFEL Namazein bhi perhi hein? Agr iss ka nama-e-amaalmein NAFEL namazein hein to Ferz Namazon ki kami inn NAVAFIL say poori kerdi jaey gi.

Phir iss kay baad ZAKAAT ka Hisaab liya jaey ga,,,Allah Ferishton say fermaey ga,,,dekho iss ki ZAKAAT poori hay ya nahein?,,,Agr vo theek say ada ki gai ho gi tab to khair hay,,,aur agr iss mein koi koh-tai hogi to Ferishton say kahey ga keh dekho!!! Iss kay nama-e-amaal mein kuch nafli SADQAAT hein to inn say ZAKAAT ki koh-taiyon ki talafi ker di jaey gi.â€

Allah Hafiz!!!

Shahwar Khan!!!!!!!!!

[**LaLa_1** 0]

ASSALAMOALIKUM AND WALIKUMOSSALAM..........ALLAh Pak Aap ko jazaye Khair ata fermaye aur aap kee Ye Ibadat qubool fermaye ..........AAMEEN.............ab tou meri help kerney walay 2 log hogaye hain ....kion Shahwar Khan , M i Right?....MAshaAllah ........... Umeed hai aap log meri is kaam main help kertey rahaingay

[Ibadat 2]

Assalamualikum

thanks both of u for incourging my effort..

aik din choor ke aik din send karni hain na....

?

INSHALLAH main ne likh tu li hain..but ... kal parsoo tak send karoo gi..

warna.. agar koi or parh raha howa tu usse problem ho gi..

take care every one

wasalam

[Ibadat 2]

2. HADEESH:

Hazrat Abdullah bin umar RaziAllahtalaanhu ke biyan hai ke KUDA ke RasoolSallallahu aleen wasalam ne irshad farmaya : dilon ko is tarah zang lag jata hai jis tarah loen ko zang lag jata hai. jab us par pani par jata hai.

loogon ne poocha Ya RasoolAllah Sallallahu aleen wasalam phir dil ko kese saaf kiya jaye. farmaya MOOT ko kasrat ke sath yaad kiya jaye or QURAN ki tilawat ki jaye.

TASHREEH :

pani parne se jis tarah loen par zang aa jata hai.issi tarah ALLAH or youme AKhrat se gaflat ki waja se dil par siyahi cha jati hai. ussi seyahi ko ALLAH ke Rasool sallallahu aleen wasalam ne zang se eabeer farmaya hai, or QURAN PAK main ussi ko "Rana" kaha gaya hai.

"her giz nahi balke in ke dilon par in ke kartootoon ki waja se zang aa gaya hai"

dil eman or Amale sulahiya ke zariya aaene ke tarah saaf shafaf or roshan hota hai.lekin gunahoon ki gandagi se us main gadlapan or seyahi peeda ho jati hai... us zang or reen ko saaf karne or dil ko phir se roshan karne ke liye ALLAH ke RASOOL sallallahu aleen wasalam ne 2 tadbeerain batai hain, aik ye ke MOOT ko kasrat se yaad kiya jaye doosri ye ke Tilawate Quran e Pak ka ehtamam kiya jaye.

haqeekat ye hai ke moot behtareen muzakir hai.moot tameer e seerat , takmeele shkashsiyat or husne injaam ki fikar peeda karne ka kargur zariya hai.or QURAN bhi admi main yahi fikar peeda karta hai us ka har har sapah admi ko us duniya se utha kar us duniay mianleja kar khara kardeta hai oragar shaoor zinda hu tu kuch deer ke liye admi kud ko ussi alam main mojood mehsoos karta hai.or akhrat ka ye istakhsar , ye yakeen dil ke zang ko door kar ke ussey roshan karne ka muattabar zariya hai.

[Shahwarkhan 0]

Shoro Allah Kay Naam Say Jo Bohat Meenrbaan ,Nehayat Reham Wala Hay.

Asslam-O-Alikum

I hope u will find this Post in ur best of health.

Hadees:

Hazrat Abdullah Bin Ummer (RA) kehtay hein keh Rasool (SAW) nay Irshaad fermaya “ Jis nay apney bhai ko pay-et bher ker khana khilaya aur pani say iss ki piyaas boo-jhai to Allah Tala Qiyamat kay din iss ko jahanum say saat (7) khandakon kay faaslay per rakhey ga aur her dou (2) khandakon kay dermiyaan paanch-so (500) saal kay safer ka faasla hay. (Tibraani)

Personal Note: Humarey ird gird Kitnay Log hein Jinko “ZINDAGI KI BUNYADI ZAROORYAT†bhi mo-yessir nahein aur hum mein say her koi jo internet per apna paisa kherch ker raha hay kum-az-kum “ARAAM-DEY†ya phir “PUR-ASAAISH†zindagi to guzaar raha ho ga ,,,,,,,,,,,,to kia humarey liyein apney aur jahanum kay dermiyaan (iss hadees kay mutabiq) faasla berhana mushkil kaam hay kia???????

Allah hafiz

Shahwar Khan

[Ibadat 2]

Walaikumassalam

MASHALLAH se bueat acchi HADITH post ki hain..

wasalam

[Shahwarkhan 0]

Shoro Allah Kay Naam Say Jo Bohat Meherbaan ,Nehayat Reham Wala Hay.

Asslam-O-AlikumI hope u will find this Post in ur best of health.

Hadees:

Hazrat Abdullah Bin Ummer (RA) kehtay hein keh Rasool (SAW) nay Irshaad fermaya “ Jis nay apney bhai ko pay-et bher ker khana khilaya aur pani say iss ki piyaas boo-jhai to Allah Tala Qiyamat kay din iss ko jahanum say saat (7) khandakon kay faaslay per rakhey ga aur her dou (2) khandakon kay dermiyaan paanch-so (500) saal kay safer ka faasla hay.

(Tibraani)

Personal Note: Humarey ird gird Kitnay Log hein Jinko “ZINDAGI KI BUNYADI ZAROORYAT†bhi mo-yessir nahein aur hum mein say her koi jo internet per apna paisa kherch ker raha hay kum-az-kum “ARAAM-DEY†ya phir “PUR-ASAAISH†zindagi to guzaar raha ho ga ,,,,,,,,,,,,to kia humarey liyein apney aur jahanum kay dermiyaan (iss hadees kay mutabiq) faasla berhana mushkil kaam hay kia???????

Allah hafiz

Shahwar Khan

[Shahwarkhan 0]

Asslam-O-Alikum

I hope u will find this mail in ur best of health.

Abu Zer Ghafari (RA) kehtay hein keh marey Mehboob (SAW) nay mujhey chund baton ki wasi-at fermai.

1. Mujhey wasiat fermai kay vo log jo mujh say maal-o-jah vaghera mein foqiyet rukhtay hoon inn ki taraf na taa-koon balkay unn log-on ko dekhoon jo mujh say kam-ter hein ( ta kay marey dil mein shuker ka jazba ubhrey).

2. Mujhey wasiat fermai keh maskeeno say muhabat karon aur inn kay pass jaon .

3. mujhey iss baat ki wasiat ki kay marey aa-iza aur rishtaydaar chahey mujh say khafa hoon,,marey haqooq ada na karein lekin mein inn say apna tua-luq jorey rukhoon ,,,inn kay haqooq ada kerta rahoon.

(Tibrani)

Personal Note!!!!!

Agr aaj hum iss hadees per amal kerna shoro ker dein to aaj ka Muslim uss ‘complex of inferiority’ say nikal aaey jo uss ko inn sochon kay zerye zehni mareez bana deta hay,,,,,,,jaisy “Marey paas kia hayâ€,,, “ Vo aish karey aur humarey paas ye bhi nahiâ€,,,,,,so so ,,,balkay humey to apney say kam haisiat walon ko dekh ker Allah ka shuker kerna chahiye kay Allah nay kitnay logon ko vo bhi nahi diya jo marey paas hay!!!!!!! Aur phir aik practical step bata-diya unn logon kay liyein jo financially behter hein kay vo maskeenon ko khana khilaein.Aur phir wasiat ki kay apney relatives say acha tualuq rakhein ,,,,,,,,Iss terhaan community mein amn-o-amaan aur piyar o muhabat berhti hay.

Iss terhaan sirf iss aik choti si hadees nein aap ko apni “Pshcological health†, “Economical life†and “Social life†mein improvement ki tips dey dein.!!!!!!!!

Allah hafiz

Shahwar Khan!!!!!!!

Edited September 20, 2004 by Shahwarkhan