Saans Tak Bhi Nahin Lete Hain Tujhe Sochte Waqt

[hot_boy_cold 0]

Dil ki chokhat pe ek deep jala rakha hai

Tere laut aane ka imkaan saja rakha hai

Saans tak bhi nahin lete hain tujhe sochte waqt

Hum ne is kaam ko bhi kal pe utha rakha hai

Rooth jaate ho to kuch aur haseen lagte ho

Hum ne yah soch ke hi tum ko khafa rakha hai

Tum jise rota hua chhorr gaey the ek din

Hum ne us shaam ko seeney se laga rakha hai

Chein lene nahin deta yeh kisi tor mujhe

Teri yaadon ne jo toofaan utha rakha hai

Jaane waale ne kaha tha ke woh laut aaey ga zaroor

Ek isi aas pe darwaaza khula rakha hai

Tere jaane se jo ek dhool uthi thi ghum ki

Hum ne us dhool ko aankhon mein bassa rakha hai

Mujh ko kal shaam se woh bohat yaad aane laga

Dil ne muddat se jo ek shaks bhula rakha hai

Aakhri baar jo aaya tha mere naam Wasi

Mein ne is khat ko kalejey se laga rakha hai…

[sanum 0]

wow Wasi shah my fav post

mojhe ye gazal bohat pasand hey wasi ki

Apne ehsaas se chu ker mujhe sandal ker do

main ke sadyon se adhoora hoon,mukammal ker do

Na tumhein hosh rahe aur na mujhe hosh rahe

Is qadar toot ke chaho mujhe pagal ker do

Tum hatheli ko mere pyaar ki mehndi se rango

Apni ankhon main mere naam ka kajal ker do

Dhoop hi dhoop hoon main toot ke barso mujh per

Main to sehra hoon mujhe pyar ka badal ker do

Iske saey main mere khwab mehak uthein ge

Mere chehre pe umeedon bhara aanchal ker do...!