Kali Sy Phool Bn'ny Ka Amal Asaan Nhi Hota

[sho_shweet 657]

kisi bhi baat per ab maiN kabhi hairaaN nahi hota

bohat say dared haiN jin ka koyee dermaaN nahiN hota

ajab is taur say yeh zindagi apni guzarti hai

kabhi chat hi nahi hoti, kabhi saamaaN nahi hota

kia aabaad hum nay dil ko yadoN kay jazeeroN say

yeh ik aiasa samunder hai keh jo veeraaN nahi hota

meri azaad haiN sochaiN hamesha qaid e mantaq say

yehaaN woh ho bhi sakta hai keh jo amkaaN nahN hota

kayee toofaaan jab simtaiN tou bunta hai phir ik aaNsoo

wo kya ansoo hai jis maiN koye bhi toofaaN nahi hota

milay ga kya tujhay zalim humaiN aisay sataanay say

jisay tujh say na ho nisbat, gham e jaanaaN nahi hota

ajab si kash makash rehti hai apnay aap say hamdam

yahi woh jang hai jiska kabhi eilaaN nahiN hota

usay hum soNp detay haiN yehaN ki mezbaani bhi

humaray dil maiN koyee gham kabhi mehmaaN nahi hota

lahu deta hooN maiN unko hamesha dil ki shiryaaN say

meri sochoN ko bus is wastay yerqaaN nahiN hota

kutch aisi peR gayee aadat humaiN sail e hawadas ki

keh ab tou khauf aata hai keh jab toofaaN nahiN hota

SABA yeh pul sraat aasa kayee lamhoN ka haasil hai

kali say phool ban'nay ka amal aasaaN nahiN hota