Har Shay Ka Soda Hota Hay,

[sho_shweet 657]

Har shay ka soda hota hay,

Her cheez bikaaou hoti hay

Har fard yahan per taajir hay,

Har waqt tijaarat hoti hay,

Tum aap hee apne daam kaho,

Chup k nahi sar_e_aam kaho

Kya lo gay apni yaari ka,

Kya lo gay tum dildaari ka,

Gham_khuwaar bano gay kitne mein,

Tum pyar karo gay kitne mein,

Sab jazbay meray naam karo,

Hum-naam tum apna daam kaho,

Par daam chukaanay ki khaatir,

Hum apna daftar kholain to,

Hum apni jaib tatolain to,

Bus pyar mialy ga thora sa,

Aazaar milay ga thora sa,

Ye sikkay yahaan kab chaltay hein,

Kya udhaar milay ga thora sa,

Ye duniya bay_aitebarie ki,

Ye arz hay har beyopaari ki,

Chal chor tamanna jazboun ki,

Bas souday hi dekh aaeyn hum,

Hum khaali haath hee aaye thay,

Chal khaali haath hee jaayen hum

Chal khaali haath hee jaayen hum...!