Wo Shaks K Main Jis Say Mohabbat Nahin Karta

[msalman 0]

Wo shaks k main jis say Mohabbat nahin karta

Hansta hay mujhe dekh k, Nafrat nahin karta

Ghar walon ko ghaflat per sab hi koas rahay hain

Choron ko magar koye malamat nahin karta

Daitay hain ujalay meray Sajdon ki gawahi

Main chup kar andheron main Ibadat nahin karta

Bhola nahin main aaj bhi Aadab-e-jawani

Main aaj bhi auron ko Nasihat nahin karta

Duniya main Qateel us sa Munafiq nahin koye

Jo zulm to sahta hay baghawat nahin karta

[Miss_Jee 0]

Nice One .............keep it up......... :)

[msalman 0]

:D Thanks Miss Jee