Bicharnay walay

Chalay jo ho tou bata k jao

K kitni shaamain udaas aankhon main kaat-ni hain

K kitni subhain akelay pann main guzaarni hain

Bata k jao k kitne sooraj..azaab rastoon ko dekhna hai

K kitnay mehtaab.............Sard raatoon ki wus-at-ton se nikaalne hain

Bata k jao k chaand raatoon main waqt kaise guzaarna hai

Khamosh lamhoon main tujh ko kitna pukaarna hai

Bata k jao k kitnay lamhay shumaar karnay hain hijj ratoon k

K kitnay mousam aik aik kar k judaiyoon mein guzaarne hain

Bata k jao k panchiyoon nay akele pann ka sabbab jo poocha

Tou kya kahoon ga?

Bata k jao......Main kis se tera gilla karoon ga

Bicharr k tujh se habbib kis se mila karoon ga

Bata k jao k aankh barsi tou kon moutii chuna karay ga

Udaas lamhoon main dil ki dharkan suna karay ga

Bata k jao k mousamoon ko payaam dainay hain ya nahi hain

Fallk ko,taroon ko,jugnooon ko salaam dainy hain ya nahi hain

Bata k jao k kis pe hai aitebaar karna

To kis ki baatoon pe be-niyazi k silsalay ikhtiyaar karna

Bata k jao k abb ravviyoon ki chaal kiya ho

Jawaab kiya ho,sawaal kiya ho

Arooj kiya ho,zawaal kiya ho

Nighah,rukhsaar,zulff,chehra, Nidhaal kiya ho

Bata k jao k meri haalatt pe chaandani khikhila pari tou main kiya karoon ga

Bata k jao k meri soorat pe tairgi muskara parri tou

Main kiya karoon ga

Bata k jao k tum ko kitna pukaarna hai

Bicharr k tujh se ye waqt kaise guzaarna hai

Ujaarna hai? nikhaarna hai?

Chalay jo ho tou bata k jao

K loutna bhi hai ya................????????