**LaLa_1** 0 Posted January 22, 2005 "HAzrat AAisha (RAziAllah Anha ) fermaati hain k main ne Nabi Akram (SALALLAHO ALAIHE WASALLAM) ko ye irshaad fermaatey hoowey suna k : Jub kisi Musalmaan ko Kaanta chubta hai ya isey kisi bhee qisam kee koi takleef pohonchti hai tou is k badley ALLAH TALA kee taraf sey oos k liye ek Deja Likh dia jata hai aur oos ka ek Gunaah Maaf ker dia jata hai ".... (Muslim) isi Mazmoon kee ek Aur Hadis main " Hazrat Abbu Huraira (RAziALLAH ANHO) riwayat kertey hain k RasoolALlah (SALALLAHO ALAIHE WASALLAM ) ne irshaad fermaya: Allah Tala K baaz Eemaan walay Bandey aur Baaz EEman wali bandi per Allah Tala kee taraf sey mushkilaat aur Haadsaat aatay rehtey hain..Kabhi oos kee jaan per , Kabhi oos kee aulaad per , kabhi oos k Maal per ( aur is k nateejay main oos k gunaah jhertey rehtey hain) yahan tak k mereney k baad Wo ALLAH TALA is haal main mulaqaat kerta hai k is ka ek gunaah bhee baaqi nahi rehta ..." (Tirmizi ) Share this post Link to post Share on other sites
Charmer 0 Posted January 27, 2005 v v v good post LaLa u r doing a great job by sharing ur knowledge about Islam with us Share this post Link to post Share on other sites
Ibadat 2 Posted January 28, 2005 MAshAllah se ...keep posting "lala" main INSHALLAh jald hi post karo gi... Share this post Link to post Share on other sites
**LaLa_1** 0 Posted February 2, 2005 (edited) "Aik Martaba RasoolAllah (SALALLAH OALHAIHE WASALLAM) Hazrat Abbu BAKAR SIDDIQ (RaziALLAH ANHO) or Hazrat Umer (RaziALLAH ANHO) ko hamraah ley ker aik ansaari sahaabi k haan tashreef ley gaye....oonhon ne khajooron ka khosha paish kia , jin main teeno qisam kee khajoorein theen, ter khajoor bhee aur khooshk khajoor bhee...Mezbaan Sahabi ne ek bakri bhee zibaah kee, AAP (SALALLAHO ALAIHE WASALLAM) aur aap k Sahaba ne khajoorein khaayeen aur khana khaya aur paani piya , jab sair ho gaye tou RAsool Allah (SALALLAHO ALAIHE WASALLAM) ne Hazrat Abbu Bakar aur Hazrat Umer sey fermaya k : Qasam hai oos zaat kee jis k qabzay main meri jaan hai, Qiamat k din is naimat k baarey main tum sey zaroor sawaal kia jaayega ( k Naimat ka kia haq ada kia aur is sey jo taaqat haasil huii , oosey kis kaam main lagaya , shuker ada kia ya nahi)..tum ko bhook ne gharon sey nikalaa aur abhi tum waapas nahi lotay k Allah Tala ne tumhain ye naimat ata fermaayee....." (Sahi Muslim) ek aur jaga per irshaad fermaya k Qiamat k din her naimat k baarey main sawaal hoga , siwaaye 3 cheezon k ...1: itna chota sa kapra jis sey aadmi apni sharam kee jaga lapait ley..2: (roti ka tukra ) jis sey apni bhook ko dafa kerey..3: itna chota sa ghar jis main garmi aur serdi sey bachney k liye bay takalluf daakhil ho sakay.... (Mishkaat -ul-Masaabeh) Edited February 3, 2005 by **LaLa_1** Share this post Link to post Share on other sites
**LaLa_1** 0 Posted February 16, 2005 (edited) MOHARRAM UL HARAAM K MAHINAY KEE AHAMYAT Hazrat Abbu Bakar (RaziALLAHAnho ) sey riwayat hai k RAsoolALLAH (SALALLAHO ALAIHE WASALLAM) ne irshaad fermaya " Zamana Ghoom phir ker apni asliat per aagaya hai , jis Haalat per oos waqt thaa jub Allah Tala ne aasmaano aur Zameen kee takhliq fermaayee..Saal k 12 mahiney hain , in main chaar hurmat aur adab waalay hain, 3 tou pay der pay hain ,ZolQadag, ZulHaja aur Moharram,aur chotha Rajab jo Jamad-e-Ussani aur SHaabaan k dermiyaan hai.." Ye Mahina Mukhtalif Fazaail kee bunyaad per khaas ahamyat ka haamil hai ..is mahiney kee taqdees aur Hurmat, Kaainaat k bannay k waqt sey he hai..is Mahinay kee importance ka andaza is baat sey lagaya ja sakta hai k is mahinay sey Islamic Saal ka aaghaaz hota hai jo Hazrat Muhammad (SALALLAHO ALAIHE WASALLAM) k Hijrat jaisey Azeem amal kee yaad dilata hai ... is Islami Mahinay k aaghaaz main , yani Moharram kee ek taareekh ko Ameer-ul-Momineen Hazrat Umer (RaziALLAH TALA ANHO kee Shahadat hui ..isi tarah Tareekh-e-Islam ka doosra habat naak waqia yani Hazrat Imam Husain (RAZI ALLAH ANHO ) Kerbala K maidaan main isi mahinay main hui.... Moharram Ul Haraam kee ahamyat ka andaza Sura Toba kee aayat 36 sey bhee hota hai irshad Baari Tala hai : " MAhino kee ginti Allah k nazdeek Kitabullah main 12 kee hai, oosi din sey jub aasmaano aur zameen ko Allah ne paida kia hai, is main 4 hurmat aur adab k hain ..yahi drust Deen hai , tum in mahino main apni jaano per Zulm na kero aur tamaam Mushkrikin sey Jihad kero jaisa k wo tum sey lertey hain aur Jaan rakho k Allah Tala Muttaqio k saath hai " Hazrat Aadam (AlaiheSalam ) sey le ker Hazrat Moosa (AlaiheSalam ) tak Moharram ul Haraam kee munaasibat sey azeem waqiaat ka tasalsul mojood hai, k Allah Tala ne Zameen aur aasmaan , pahaar, samander , Loh Qalam , aur Farishto ko isi maah-e-mubarak main paida fermaya , aur isi main insaan ko paida fermaya ......isi mahiney main Allah Tala ne Hazrat Aadam (AlaiheSalam ) kee toba ko qubool fermaya .Hazrat Nooh (AlaiheSalam ) ko isi mahiney main Toofan sey nijaat mili, isi mahinay main Hazrat Ibrahim (AlaiheSalam ) k liye Allah Tala ne aag ko Gulzaar bana diya ...Fir'aun ko gherq ker k ALlah Tala ne isi mahinay main Hazrat Moosa (AlaiheSalam ) ko nijaat dee.....Hazrat Ayub (AlaiheSalam ) shifayaab hoowey, aur Hazrat Yunus (AlaiheSalam ) ko machli k pait sey nijaat mili..isi Maah main Hazrat Sulemaan (AlaiheSalam ) ko Baadshaahat mili aur isi Mahinay main Qiamat aayegi..Lihaza ye mahina Allah Tala kee Naimaton aur bakhshishon k izhaar ka mahina hai ....................... Derasal Aashoora ka azeem din ibtida sey he haq-0-Baatil kee tameez ka Dars deta hai ....Shaitaan hamesha Apnay Pujaarion k zerye sey Allah K bando ko haq sey bhatkaanay kee koshish kerta hai ..lekin ALlah k naik bandey oos kee chaalon main naih aatey..........ALlah Tala humain Shaitaan kee ayaarion aur makkarion sey mehfooz fermaaye aur humain haqeeqi tor per Deen per chalnay kee tofiq ata fermaaye..........AAMEEN YA RABBUL AALAMIN Edited February 16, 2005 by **LaLa_1** Share this post Link to post Share on other sites
Ibadat 2 Posted March 9, 2005 *^*Rasool Kareem Sallallahu alehey waalehi wasalam ne irshad farmaya ke jo darja Khamoshi ki waja se insanun ko milta hai wo 60 baras ki nafil ibadat se ibadat se behtar hain Share this post Link to post Share on other sites
Ibadat 2 Posted March 9, 2005 MashAllah se Sanum.... good going... keep it up... Allah jaza de...Ameen Share this post Link to post Share on other sites
Ibadat 2 Posted March 9, 2005 *^*HAzrat Vabsa bin muabbad raziAllahtalaanha se riwayat hia ke Rasool Sallallahu alehye waalehi wasalam ne irshad farmaya:Aey vabsa!tu ye poochney aya hia ke neeki kiay cheez hain or gunah kiya hian? main ne arz kiya G Haan (Ye sun kar) Aap ne apni ungliyon ko ikhatta kiya or merey seene par mar kar farmaya apne nafs se pooch'apne dil se pooch'teen martaba ye ilfaz farmaye or phir farmaya neeki ye hai ke jis se nafs ko sakoon hoon or jis se dil ko sakoon hon or gunnah wo hai jo nafs main khalish peeda karey agarcha loog us ke jawaz ka fatwa dain (Masand Ahmad'darmi' mashkuwat) Share this post Link to post Share on other sites
**LaLa_1** 0 Posted March 16, 2005 JazakALLAH sanum and ibadat.........ALLAH PAk Aap logon ki is mehnet ko qubool fermaaye Share this post Link to post Share on other sites
**LaLa_1** 0 Posted March 19, 2005 (edited) "Hazrat Arfaja (RaziAllah ANho ) kehtey hain k main ne Nabi Akram (SalALLAH O ALaihe Wasallam ) ko ye fermaatey hoowey suna : Anqareeb Fasaad or takhreeb ronuma hongay ..lihaza jo shakhs is Ummat main tafreeq paida kerna chahay , jab k Haal ye ho k Ummat aapas main Mutahhid or muttafiq ho tou oos shakhs ko Talwaar sey uraa dou chahay koi bhi ho....." (Sahi Muslim) ek or jaga irshad Fermaya : "Tum Jamaat sey chimtay raho, Taferqa baazi sey bacho, Tanha aadmi per shaitaan hamla aawer hota hai or dou (2) aadmion sey bohot door bhaagta hai..jo shakhs qiamat k din Jannat k dermyaan rehney ka irada rakhta ho ,wo jamaat sey juda na ho..Jis ka dil apni naiki sey khush ho ,or apnay Gunah sey Ghamzada ho WO MOMIN HAI " (Tirmizi Sharif) EK or Jaga per irshad fermaya : "Jamaat per Allah Ka Haath hota hai , jo shakhs Jamaat sey Alaiheda hua wo Tanha reh ker Dozakh main gaya " (Tirmizi) Allah Tala ka irshaad hai k " or tum sub mil ker Allah ki Rassi ko mazbooti sey Thaamay Rakhna or alag alag firqay na ban jana or Allah k is ehsaan ko yaad rakhna jo oos ne tum per kia hai tum ek doosrey k dushman thay , OOs ne tumharay dil jor diye or tum OOs k Fazal sey Bhai Bhai ban gaye" ( Sura -e- Aal-e-Imran ........103) Edited March 19, 2005 by **LaLa_1** Share this post Link to post Share on other sites
Ibadat 2 Posted March 20, 2005 MashAllah /... ye mujhy 2nd wali Hadees e Pak kuch samjh nahi aii...is ko thoora sa expalin kar dejiey plz... Share this post Link to post Share on other sites
Ibadat 2 Posted March 20, 2005 *Hazoor e Aqdas Sallallahu alehey waalehi wasalam ne irshad farmaya ke meri ummat main se 70hazar bageer hisab ke jannat main jain again..ye wo badagane Kuda hoon gain jo mantar nahi karatey or shagoon e bad nahi letey or na fal e bad ke qail hain or apne parwardigar par tawakal kartey hain (bukhari wa muslim) Share this post Link to post Share on other sites
**LaLa_1** 0 Posted March 20, 2005 Ibadat Posted on Mar 20 2005, 01:27 PM Â MashAllah /... ye mujhy 2nd wali Hadees e Pak kuch samjh nahi aii...is ko thoora sa expalin kar dejiey plz... Is Hadis main RasoolALLAH (SALALLAH O ALAIHE WASALLAM ) ne Musalmaano ko tafarqa baazi sey bachnay or jammaaat sey alaiehada na honay ki talqeen ki hai.......yaad rahay k Nabi Akram (SALALLAH O ALAIHE WASALLAM ) k dour main or oos k baad Khulafa -e-Rashidin (RIzawaULLAH Anhum Ajamaeen) k dour main or phir Tabieen or Taba Tabieen k dour main bhi Jub Allah k Raasteyy main Jihaad k liye ya Tabligh k liye Musalmaano ko rawana kia jata tou oonhein ek jamaat ki shakal main rawana kia jata ,or oon per ek Ameer ko muqarrar kia jata or Tamaam Musalmaano ko oos Ameer ki Itaat ka hukam kia jata ..chanacha is Hadis main bhi Musalmaano ko Jamaat k saath lagay rehney ka hukam dia gaya hai k wo Ameer ki ataat kerein ,agar Ameer ALLAH K Ahkamaat or Nabi Akram (SALALLAH O ALAIHE WASALLAM ) ki sunnat sey mutasadim hukam saadir na kerey........or agar wo aisa kerey tou phir oos Ameer ki ataat na kerney ka hukam hai.........................or Jamaaat sey alaiheda na honay ka hukam hai k chahain haalaat jaisey bhi hon wo Musalmaano ki oos Jamaat k saath rahay k jo Haq per hai , yani oos jamaat k Aqwaal or Af'aal Quran -O-Hadis sey mutasadim nahi , chahay is dour ki baat ho ya Nabi Akram (SALALLAH O ALAIHE WASALLAM ) k dour ki....kion k koi bhi Hukam jo Nabi Akram(SALALLAH O ALAIHE WASALLAM ) k dour k liye thaa wo is dour k liye bhi hai ,oos ko change nahi kia ja sakta..........................or phir fermaya k agar koi shakhs Jamaat sey alaiheda ho jaaye tou phir Shaitaan oos per haavi ho jata hai or oos shakhs ko bherka deta hai ..............yahan jo 2 aadmio sey shaitaan sey dooor bhaagnay ki baat ki gayi hai oos sey muraad ye hai k chahay 2 aadmi he kion na hon, agar oonhein Allah k Raastey main bheja jaaye tou oon 2 aadmion main sey ek ko Ameer bana ker bheja jaaye....yani ye 2 aadmion kee jamaat , Kisi Jamaat k arkaan ki kam sey kam tadaad hai ......agar wo aisa kereingey tou Shaitaaan k behkaawey sey mahfooz raheingey .............agar koi shakhs Jamaat sey alaiheda hua tou oos k liye sera ser halaakat hai ................. phir is Hadis k aakhir main MOMIn kee nishaanion main sey ek Nishaani batayi gayi hai k agar oos ka dil apni Naikion per khush ho or apnaY Gunaahon per ghamzada ho tou aisa shakhs momin kehlaayega .......Momin ki ek or nishani main sey ye bhi hai k " Momin wo Shakhs hai k jisey dekh ker Allah Yaad aajaye" WALLAHO AALAM Share this post Link to post Share on other sites
sanum 0 Posted March 22, 2005 (edited) Ibadat>>> jazakallah mane kaheen parha tha k aap ka nafis aap ka acha dost hota hey pehle wo aap ko warn karta hey ager aap us cheez se rok gaey tu theek warna usski na sonney ki sorrat me wo aap se hamesha k liye roth jata hey aur phir aap ko kabhi nahi warn karta aur sahi gallat ka batata Lala>>> ye batain k ye kesey pata chaley k ye hadees sahi hey ya mangharat Anqareeb Fasaad or takhreeb ronuma hongay ..lihaza jo shakhs is Ummat main tafreeq paida kerna chahay , jab k Haal ye ho k Ummat aapas main Mutahhid or muttafiq ho tou oos shakhs ko Talwaar sey uraa dou chahay koi bhi ho....." yahan mojhe thora shak aur confusion hey...hamarey nabi ko tu rehmatul Alameen kaha jata hey aur aap SAw hamesha rehmat aur shafqat ka hoqum detey thay aap ne khoud se kabhi kisi pe talwar na othaey jab tak pehel na hoey phir ye kesey momkin k bus talwar se ora do...jab k ye bhi hadees hey k pehle zaban se roko phir hath se nahi tu chop raho k tum ne apna haq ada kar deya (sorry k mojhe sahi se yaad nahi) Edited March 22, 2005 by sanum Share this post Link to post Share on other sites
Ibadat 2 Posted March 25, 2005 Ibadat>>>  jazakallah mane kaheen parha tha k aap ka nafis aap ka acha dost hota hey pehle wo aap ko warn karta hey ager aap us cheez se rok gaey tu theek warna usski na sonney ki sorrat me wo aap se hamesha k liye roth jata hey aur phir aap ko kabhi nahi warn karta aur sahi gallat ka batataLala>>> ye batain k ye kesey pata chaley k ye hadees sahi hey ya mangharat yahan mojhe thora shak aur confusion hey...hamarey nabi ko tu rehmatul Alameen kaha jata hey aur aap SAw hamesha rehmat aur shafqat ka hoqum detey thay aap ne khoud se kabhi kisi pe talwar na othaey jab tak pehel na hoey phir ye kesey momkin k bus talwar se ora do...jab k ye bhi hadees hey k pehle zaban se roko phir hath se nahi tu chop raho k tum ne apna haq ada kar deya (sorry k mojhe sahi se yaad nahi) ye Hadees bilkool theek hain...aap kiu howa? beshak ke Allah ne Apne RAsool ko rehmatalilalameen bana kar bheeja ....or wo kabhi bhi apni Zaat ke liye nahi larey......hameesha Larye tu ISlam ke liye.....us main bhi unhun ne had darja Narmi bartii .......lekin aap waja dkehye ....ke puri ummat muttafiq hain......aik hain......thek phir us mian koi FASAD dalwaey.....tu kiya us ki saza is saza se kam honi cahiey jo HAzoor e Pak sallallahu alehey waalehi wasalam ne tajweez k? yani ke puriiiiii ummat muttafik hian.....sba aik hiahn..... jannat ke rastey par Gamzan hain.....itney main koi fasad dalwa dain.....logoon ko behka dain......loogon ko jhootey rastey par laga dain........ tu saza theek tajwez howi hian... aik baat or ke Hazoor e pak sallallahu alehey waalehi wasalam ne koi bhi baat apni taraf se kabhii na ki.......har baat un ki /..deen ke liye un ka har ehkam......Allah tala ki taraf se hota tha.......Allah ka Nabi ....apney nafs se ...ye apni zaat se koi baat nahi kartey they.......wohi kartey they jo Allah Tala ne kaha hon un se though WAhi... wallahu alam!! theek hian SAnaum/.? koshihs ki hian mai ne samjhne ki...... Share this post Link to post Share on other sites
rukh 25 Posted April 1, 2005 (edited) sanum app nay jo hadees ka mafhom bayan ki woh hadees IMAN kay derjat main hay ky jub tumharay samnay koi ghair sharaye kamho to hath say roko is k taqat nahi rakhtay ya fasad ka khadsha hay to zuban say ager yeh bhi nah kersaktay to phir apnay chahray per gussay kay assar zahir kero k dosra samjhay k yeh napsand ker raha hay ager is ki taqat bhi nahi to us mehfil say chalay jaoo or ager is ki taqat bhi nahi to imaan ka sub say kam derja yeh hay k tum us ko dil say bura jano abhi lala nay jo hadees ki bayan ki woh bhi sahee hay or woh app k imam kay pehlay derjay main lain kay aise soorte haal main qattal ka hukam hay .. ... kia app ko aik mooze janwar katay to app us ko marain ge nahi ?...zahir us kay zyhar or zarara pohnchnay ka imkan so fesad hai us ko marna zaroore hay .. or APP SALAL allho alyhi waslam REHMTULILalmeen HE BANA KER BHEJAY GAYE OR YEH HADDES UN KI REHMAT KA IK WAZIHA SABOOT HAY dekhain ager app aisai logon ko khatum nahi kerain gay to woh mazeed sher phaylain gay //or ikhtilaf or fasad ronama ho jaye gay to kia aisai shkas kay mar daina to aik shar ko khtum ker kay ummat ko bachana hoa ..yeh ammal to bais-e- rehmat he bana ummat kay ley k nahi ? Edited April 1, 2005 by rukh Share this post Link to post Share on other sites
sanum 0 Posted April 2, 2005 Ibadat & rukh>>> thanx a lot mera matlab ye tha k ek jesi bohat se ahadees hein samajh me nahi aata k kis pe kis tarha amal kiya jaey ab ek hadees aur hey k jis ne ek insaan ka qatak kiya samjho us ne pori insaaniyat ka katal kiya ab Share this post Link to post Share on other sites
rukh 25 Posted April 5, 2005 exactly janab yehe hay woh asal point jis ko log samjhtay nahi is kay ley zaroore hay ULMA say rajo kia jayee ager app itna ilm nahi rakhtay or isee ko taqqleed kehtay hain ....kay woh log jo in cheezon per rat din ik ker kay samjhtay hain un say samjha jayee or deen ka ilm khasoosiyat say hasil kia jayee ayse ik nahi kaye ahades hain bulkau ayat or hadees main bhi taruz ajata hay yahan aam banday ki samjh kam nahi ker saktee is ley aise jaghon per ulma say rabta kerna behter or afzal bulkay wajib hay ! bherhal jo hadees app nay batayee meray ilm kay mutabiq ..is main NAHAQ qatal ki bat hay yane baghir kisi wajha or zaroorat kay kisi ko qatal ker daiyna ! lakin main koshish keroon gee is per tafseer dekhoon .. kahen mujh say ghalte na ho jayee Wallho alam Share this post Link to post Share on other sites
**LaLa_1** 0 Posted April 9, 2005 rukh>>> JazakALLAH !! i hope it will be clear to every1 now! Share this post Link to post Share on other sites
Ibadat 2 Posted April 12, 2005 Nabi Kareem Sallallahu alehey waalehi wasalam ka irshad hai Qayamat main admi ke kadam us wakat tak apni jaga se nahi hat saktey jab tak 4 sawal na kar liye javain. 1. umar kis masghaley main khatam howi? 2. jawani kis kaam main kharch ki? 3. maal kis tarah kamaya tha or kis ksi masraf par kharch kia? 4. or apne ilm par kia amal kia? Share this post Link to post Share on other sites
**LaLa_1** 0 Posted April 15, 2005 Hazrat Abdullah Ibn-e-Hishaam (RAziALLAH ANHO ) fermaatey hain k hum Nabi Akram (SALALLAHO ALAIHE WASALLAM) K saath thay...AAp (SALALLAHO ALAIHE WASALLAM) Hazrat Umer (RAZIALLAH ANHO ) ka haath apnay haath main liye huey thay...UMer (RAZIALLAH ANHO) ne fermaya : ya RASOOLALLAH (SALALLAHO ALAIHE WASALLAM) aap mujhe apni Jaan k siwa her cheez sey ziadah mehboob hain ...Aaap (SALALLAHO ALAIHE WASALLAM) ne fermaya k "nahi oos zaat ki Qasam jis k qabzay main meri jaan hai jab tak tum ko main apni jaan sey ziadah mehboob na ho jaaoon ( tum Momin nahi ho saktay) .Hazrat Umer( RAZIALLAH ANHO ) ne kaha " k ab tou Allah kee qasam AAP (SALALLAHO ALAIHE WASALLAM) mujhe apni jaan sey bhi ziadah mehboob ho gaye" AAP (SALALLAHO ALAIHE WASALLAM) ne fermaya k " Umer ab tum momin ho gaye" ALLAH PAK Humain NABI AKRAM (SALALLAHO ALAIHE WASALLAM) ki sacchi mohabba ata fermaaye ......or oon k laaye huey poorey k poorey Deen per chalnay ki tofiq ata fermaaye.........AAMEEN Share this post Link to post Share on other sites
