jehan shah 0 Posted April 15, 2006 Mere Mahboob ! Mere maHboob tujhe kaise bataaoN aaKhir tujh ko kis raNg maiN paataa hai tiraa ye shaai'r aise jaise kisi zindaaN maiN chale taaza hawaa jaise pardes ki ho jaaye watan jaisi faza jaise gumnaam jazeeroN se mile raahnumaa jaise africa k saHra maiN koii kaali ghaTaa jaise boolaan ki choTi pe ruke baad-e-Sabaa jaise sheeraaz ki waadi maiN bahaaroN ki Sadaa jaise dosheeza-e-kaaGhaan ki ma'Soom adaa jaise baGhdaad ki dulhan kare tashreeH-e-wafaa ! jaise makraan k saaHil pe koi deep jale jaise mehraan k daryaa se ghaTaa aa k mile jaise gangaa maiN but-e-hind ka ruKhsaar dhule jaise raavi k tabassum se koii phool khile jaise dajla k kinaare koi tahzeeb pale jaise aaGhoosh-e-wolar maiN naya ik raaz khule jaise danube k saaNche maiN koii shea'r Dhale jaise neckar k kinaare koi mahtaab chale jaise iqraar-e-moHabbat maiN banaa taaj maHal jaise iqbaal k naGhmoN maiN nikharne ka a'mal jaise fitrat paRhe kashmeer maiN Ghaalib ki Ghazal jaise minto ka fasaana kare zihnoN ka badal jaise sheele(shelley) k taraanoN maiN bahaaroN ki mehak jaise Haafiz ne Ghazal ko di sharaaroN ki lapak ! mere maHboob ! Haqeeqat to yehi hai k tiraa Husn bhi meri moHabbat ki taraH moZtar hai mere maHboob , mire dard-e-jigar , naaz na kar ! aa k waabasta hai tujh se miri taabinda saHar ! Share this post Link to post Share on other sites
REEM 0 Posted April 18, 2006 BAHUT ACCHI HAI..... BEST OF LUCK FOR NEXT POST. :D Share this post Link to post Share on other sites
jehan shah 0 Posted April 18, 2006 hmmmm, lagta hay kisi aur ko pasand anhi aai. Share this post Link to post Share on other sites
