Aab K Tajdid-e-wafa Ka Nahin Imkan Jana

[Sahir 0]

Aab K Tajdid-e-Wafa Ka Nahin Imkan Jana

Yaad Kya Tujh Ko Dilayen Tera Paiman Jana

Yun Hi Mausam Ki Ada Dekh Ke Yaad Aaya Hai

Kis Qadar Jald Badal Jate Hain Insan Jana

Zindagi Teri Ataa Thi So Tere Naam Ki Hai

Hum Ne Jaise Bhi Basar Ki Tera Ehasaan Jana

Dil Ye Kehata Hai K Shayad Ho Fasurda Tu Bhi

Dil Ki Kya Baat Karien Dil To Hai Nadaan Jana

Aval-Aval Ki Muhabat K Nashe Yaad To Ker

Bepiye Bhi Tera Chehara Tha Gulistaan Jana

AaKhir AaKhir To Ye Aalam Hai K Aab Hosh Nahin

Rag-e-Minaa Sulag Uthii K Rag-e-Jaan Jana

Mudaton Se Ye Aalam Na Tavaqo Na Umed

Dil Pukare Hi Chala Jata Hai Jana Jana

Hum Bhi Kya Sada The Hum Ne Bhi Samajh Rakha Tha

Gam-e-Dauraan Se Juda Hai Gam-e-Jana Jana

Aab K Kuch Aisi Saji Mehfil-e-Yaraan Jana

Sar-Ba-Zaanu Hai Koi Sar-Ba-Girebaan Jana

Har Koi Apani Hi AaWaz Se Kaanp Utataa Hai

Har Koi Apane Hi Saaye Se Hirasaan Jana

Jis Ko Dekho Vahi Zanjir-ba-Paa Lagata Hai

Shahar Ka Sheher Hua DaaKhil-e-Zindaan Jana

Aab Tera Zikr Bhi Shayad Hi Gazal Main Aaye

Aur Se Aur Hua Dard Ka Unvaan Jana

Hum K RutThi Hoi Rut Ko Bhi Manaa Lete The

Hum Ne Dekha Hi Na Tha Mausam-e-Hijraan Jana

Hosh Aayaa To Sabhi Khuwab The Rezaa-Rezaa

Jaise U.Date Huye Avraaq-e-Pareshaan Jana

[msalman 0]

Excellent Sahir

One of my favourtie ghazal, post by you

Yun Hi Mausam Ki Ada Dekh Ke Yaad Aaya Hai

Kis Qadar Jald Badal Jate Hain Insan Jana

Dil Ye Kehata Hai K Shayad Ho Fasurda Tu Bhi

Dil Ki Kya Baat Karien Dil To Hai Nadaan Jana

Aab Tera Zikr Bhi Shayad Hi Gazal Main Aaye

Aur Se Aur Hua Dard Ka Unvaan Jana

[Sahir 0]

THANX SALMAN DOST AAP KI TAREEF KA MERI BHI PASANDEDA GHAZLOO MAIN SE AIK HE

MAGER LAGTA HE K BAQI LOOGOO KO PASAND NAHIN AAYI

CHALOO KOI BAAT NAHIN

[msalman 0]

Walekum Asslam !

Agar kisi ko pasand nahin aaye to koye baat nahin, agar is ghazal

ki koye bhi tareef na karay phir bhi ye mere aur aap ki favourite hi

rahay gi.

[Sahir 0]

MSALMAN DOST AAP KO PASAND AA GAYI HE NA TU SAB THEEK HE BAQI LOOGOO KO BHI PASAND TU HO GI MAGER ESA HOTA HE K WOH READ KER CHUKE HOTE HAIN NA TU SHAYED IS LYE REPLY NAHIN KERTE KOI BAAT NAHIN

THANX 4 COMPLIMENTS SALMAN DOST

[jehan shah 0]

Sahir,

bhai bohat khoob.bohat khobsorat ghazal hay yeh aur mujhe bohat

pasand hay.aur Faraz ki to baat hi kuch aur hay.

Jis Ko Dekho Vahi Zanjir-ba-Paa Lagata Hai

Shahar Ka Sheher Hua DaaKhil-e-Zindaan Jana

[Sahir 0]

THANX SHAH JEE BUHUT BUHUT SHUKRYA REPLY KERNE KA OR SUNAIN KESE HAIN AAP SAB THEEK THAK HE NA