Suna Hai Log Usy Ankh Bhar K Dekhty Hain.....

[roshni 1]

sunaa hai laug ose aankh bhar ke dekhate hain

so os ke shahar mein kuchh din Thahar ke dekhate hain

sunaa hai rabt hai us ko Kharaab haalon se

so apane aap ko barbaad karake dekhate hain

sunaa hai dard kii gaahak hai chashm-e-naazuk os kii

so ham bhii os kii galii se guzar kar dekhate hain

sunaa hai os ko bhii hai sher-o-shaayarii se shagaf

so ham bhii mojaze apane hunar ke dekhate hain

sunaa hai bole to baatoon se phuul jharrte hain

ye baat hai to chalo baat kar ke dekhate hain

sunaa hai raat ose chaand takataa rehtaa hai

sitaare baam-e-falak se utar kar dekhate hain

sunaa hai hashr hain os kii Gazaal sii aankhein

sunaa hai os ko hiran dasht bhar ke dekhate hain

sunaa hai din ko ose titaliyaan sataatii hain

sunaa hai raat ko jugnuu Thahar ke dekhate hain

sunaa hai raat se barr kar hain kaakulein os kii

sunaa hai shaam ko saaye guzar ke dekhate hain

sunaa hai os kii siyaah chashmagii qayaamat hai

so os ko surmaafarosh aankh bhar ke dekhate hain

sunaa hai os ke laboon se gulaab jalate hain

so ham bahaar par ilzaam dhar ke dekhate hain

sunaa hai aa_iinaa tamasaal hai jabiin os kaa

jo saadaa dil hain ban sanvar ke dekhate hain

sunaa hai jab se hamaa_il hain os kii gardan mein

mizaaj aur hii laal-o-gauhar ke dekhate hain

sunaa hai chashm-e-tasavvur se dasht-e-imkaan mein

palang zaaveye os kii kamar ke dekhate hain

sunaa hai os ke badan ke taraash aise hain

ke phuul apanii qabaayein katar ke dekhate hain

vo sarv-qad hai magar be-gul-e-muraad nahiin

ke os shajar pe shaguufe samar ke dekhate hain

bas ek nigaah se luTataa hai qaafilaa dil kaa

so rah_ravaan-e-tamannaa bhii Dar ke dekhate hain

sunaa hai os ke shabistaan se muttasil hai bahisht

makiin udhar ke bhii jalve idhar ke dekhate hain

ruke to gardishein os kaa tavaaf karatii hain

chale to os ko zamaane Thahar ke dekhate hain

kise nasiib ke be-pairahan ose dekhe

kabhii kabhii dar-o-diivaar ghar ke dekhate hain

kahaaniyaan hiin sahii sab mubaalaGe hii sahii

agar vo Khvaab hai taabiir kar ke dekhate hain

ab os ke shahar mein Thaharein ki kuuch kar jaayein

'Faraz' aao sitaare safar ke dekhate hain

[chinky 31]

bohat nicee hay yarr..............v gudd keep sharingg

[roshni 1]

Thank u chinky :)

[paree 0]

ZABARDAST ROSHNI

[roshni 1]

[vertosis_ather 0]

zabardast!!!

[roshni 1]

thanxxxxxxxxxxxxxxxx all of u..... :)