Pagal Larki Gehri Gehri Aankhoon Wali Uljhi Larki

[Kiran 2]

"PAGAL LARKI

Gehri gehri aankhoon wali uljhi uljhi pagal larki

tu yeh kiss ki dhun mein aakhir

lambi lambi palkoon ooper mote mote aansoo lay kar

sundar komal paroon neechay

julti balti dharti par

qariya qariya bhaag rahi hai

kiss ki khaatir jaag rahi hai

tujh ko yeh maaloom nahi kiya

tujh jaisi najane kitni

gehri gehri aankhoon wali

kaisi kaisi sundarta ke khazane lay kar nikli

lakin phir bhi uss rastay se manzil tak pohchane wala

har ek saathi jhoota nikla

ek ek aasha dushman nikli

ek ek sapna dhoka nikla

sachha har ek hadsha nikla

dekho!

tum bhi jaane do ab

nadaani ka jitna rasta tum ne ab tak tay kar daala

uss raste se ghar ki manzil ab bhi itni door nahi hai

ab bhi wapis ja sakti ho sab kuch wapis pa sakti ho

ab bhi agar tum nadani ke iss raste se

ghar ko wapis na palti to.....

phir ek din aisa ho ga

sundar aankhein mar jaayein gi

palkein khoon se bhar jaayein gi

jaan laboon par aa jaaye gi

tan ke saare ujlay pan ko ghor musafat kha jaaye gi

uss din phir tum chilaao gi

lakin....

kuch haasil na ho ga saare lams ke saathi

pankh laga ke urr jaayein gay

tum raste mein reh jaao gi

rasta bhi woh ke jiss ke peechay darr ki gehri daldal ho gi

aagay gham ka jungle ho ga

sar par gehra badal ho ga

uss din ke aane se pehlay....!

uss din tak jaane se pehlay....!

waqat mile to dhalane wale har lamhe ki zaat pe socho

duniya ki bareek nazar se duniya ki har baat ko socho

jazboon ki oqaat hi kiya hai

woh dekho..........!

ek saaye par phir weerane mein bijli karki

gehri gehri aankhoon wali uljhi uljhi pagal larki.........!

Edited December 17, 2005 by Kiran

[junaidrauf 0]

Very Nice

[Rainbow 333]

kiran very very nice poem i really like but yeh pagal larki aap tu nahin hain...lolzzzz

waisay soch kay bataiya ga.........!

[Laiba Khan 0]

coolllllllll

kiran appi

[ibtisaam 0]

salam...

bohot khoob kaha...

very nice kiran

[Laiba Khan 0]

w.sallam

[Kiran 2]

hmm thx junaid,Laiba,Ibtisam n Laraib

Laraib :) nahi main nahi hoon kyon k yeh larki to uljhi hoi hai main thori :)